ରାଉରକେଲା: ଦିନକ ପରେ ବିଶ୍ବ ପ୍ରସିଦ୍ଧ ଘୋଷଯାତ୍ରା । ରାଜରାସ୍ତାରେ ଗଡିବ ମହାବାହୁଙ୍କ ରଥ । କିନ୍ତୁ ଲଗାଣ ବର୍ଷା ଯୋଗୁଁ ସହରର ରାସ୍ତା ଅବସ୍ଥା ଖରାପ ରହିଛି । ଆଉ ଏଥିପାଇଁ ତିନି ଠାକୁରଙ୍କ ରଥ ମାଉସୀ ମା’ ମନ୍ଦିର ପହଞ୍ଚିବାରେ ଅସୁବିଧା ହେବାର ସମ୍ଭାବନା ରହିଛି ।
ତେବେ ରଥଯାତ୍ରା ପାଇଁ ବେହାଲ ରାସ୍ତାକୁ ସଜାଡିବା ଦ୍ବାୟିତ୍ବ ଜିଲ୍ଲା ପ୍ରଶାସନର ଥିଲା । ଏଥିପାଇଁ ପ୍ରଶାସନିକ ସ୍ତରରେ ବୈଠକ କରାଯାଇ ଖାଲ ରାସ୍ତାକୁ ମରାମତି କରାଯାଇଥିଲା । କିନ୍ତୁ ବର୍ଷା ପରେ ପୁଣି ଥରେ ରାସ୍ତାର ଅବସ୍ଥା ଶୋଚନୀୟ ହୋଇପଡିଛି । ରଥଟଣା ସମୟରେ ଯଦି କୌଣସି ଅଘଟଣ ଘଟେ ସେଥିପାଇଁ ପ୍ରଶାସନ ଦାୟୀ ହେବ ବୋଲି ସ୍ଥାନୀୟ ବାସିନ୍ଦା କହିଛନ୍ତି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ