ଭୁବନେଶ୍ବର: ସାମୁଦ୍ରିକ ଝଡ ‘ଫନି’ ରେ ଅଧା ଓଡିଶାର ମେରୁଦଣ୍ଡ ଭାଙ୍ଗି ଯାଇଥିବା ବେଳେ ଫନିରୁ ବର୍ତ୍ତି ପାରି ନାହିଁ ରାଜ୍ଯର ଚାଷ ଓ ଚାଷୀ । ଫନି ଫଣାରେ ରାଜ୍ୟର ରବି ଫସଲ ଯଥା ପନିପରିବା, ଫଳ, ଧାନ ସଂପୂର୍ଣ୍ଣ ନଷ୍ଟ ହୋଇଥିବା ବେଳେ ପାନ, ମାଛ, କଦଳୀ ସହ ଅନ୍ଯାନ୍ଯ ଅର୍ଥକାରୀ ଫସଲ ମଧ୍ୟ ନଷ୍ଟ ହୋଇଯାଇଛି । ଯାହା ଏବେ ରାଜ୍ୟର ଚାଷୀକୂଳକୁ ପୁରା ବେସହାରା କରିପକାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ତେଣୁ ପୁଣି ଥରେ ଚାଷ ଓ ଚାଷୀଙ୍କ ଅଣ୍ଟା ସିଧା କରିବା ପାଇଁ ରାଜ୍ୟ ସରକାର ଅଣ୍ଚା ଭିଡିଛନ୍ତି । ଆଜି ରାଜ୍ୟ କୃଷି ସଚିବ ସୌରଭ ଗର୍ଗ କହିଛନ୍ତି ରାଜ୍ୟର ଫନି ପ୍ରଭାବିତ ସବୁ ଚାଷୀଙ୍କୁ ମିଳିବ କ୍ଷତିପୂରଣ । ଦିନେ ଦୁଇଦିନ ମଧ୍ୟରେ ଆସିବ କ୍ଷୟକ୍ଷତି ରିପୋର୍ଟ। ସବୁ ଜିଲ୍ଲାପାଳଙ୍କ ଠାରୁ ରିପୋର୍ଟ ମଗାଯାଇଛି । ରିପୋର୍ଟ ଆସିବା ପରେ ରିଲିଫ କୋଡ଼ ଅନୁସାରେ ସମସ୍ତଙ୍କୁ ସହାୟତ ଦିଆଯିବ ।