ଭୁବନେଶ୍ବର: ଗତବର୍ଷ ଗାନ୍ଧୀ ଜୟନ୍ତି ଠାରୁ ରାଜ୍ୟର ପାଞ୍ଚଟି ମହାନଗର ନିଗମ ସମେତ ପର୍ଯ୍ୟଟନ ସହର ପୁରୀରେ ପଲିଥିନ ବ୍ୟାନ କରିଥିଲେ ରାଜ୍ୟ ସରକାର । ସରକାର ନିୟମ କରିଥିଲେ କେହି ବି 50 ମାଇକ୍ରୋନରୁ କମ ମାନର ପଲିଥିନ ବ୍ୟବହାର କରିପାରିବେ ନାହିଁ । ସରକାରଙ୍କ ନିୟମ ପରେ ପଲିଥିନର ବ୍ୟବହାର କିଛି ମାତ୍ରାରେ କମିଗଲା । ସେ ସମୟରେ ଚଢାଉ ମଧ୍ୟ ଜୋରଦାର ହେଲା । କିନ୍ତୁ ସମୟ ଗଡିବା ସହ ସରକାରଙ୍କ ନିୟମ ମଧ୍ୟ ଶୀଥିଳ ପଡିଗଲା ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
କିଛିଦିନର ନିରବତା ପରେ ପୁଣିଥରେ ଚଢାଉ ଆରମ୍ଭ କରିଛି ପୋଲିସ, ବିଏମସି ଓ ପ୍ରଦୂଷଣ ବିଭାଗ । ଶନିବାର ଭୁବନେଶ୍ବର ଜୟଦେବ ବିହାର ଛକରୁ ଆରମ୍ଭ ହୋଇଥିଲା ଏହି ଚଢ଼ାଉ । ପରେ ଚନ୍ଦ୍ରଶେଖରପୁର , ନୀଳାଦ୍ରି ବିହାର, ପଟିଆ ପର୍ଯ୍ୟନ୍ତ ଭେଣ୍ଡିଂ ଜୋନ, ଉଠା ଦୋକାନୀ ଗୁଡିକରେ ଏହି ଚଢ଼ାଉ କରାଯାଇଥିଲା । ଚଢ଼ାଉ ବେଳେ ୪୦ କେଜିରୁ ଉର୍ଦ୍ଧ୍ବ ପଲିଥିନ ଜବତ କରିଛି ପୋଲିସ । ଏହାସହ 5ହଜାର ଟଙ୍କାରୁ ଉର୍ଦ୍ଧ୍ବ ଫାଇନ ମଧ୍ୟ ଆଦାୟ ହୋଇଛି ।