ବଜ୍ରପାତରେ ଚାଷୀ ମୃତ

ଜମିକୁ ପାଣି ମଡାଇବାକୁ ଯାଇ ବଜ୍ରପାତର ଶିକାର ହେଲେ ଚାଷୀ। ମୃତ ଚାଷୀ ଇଚ୍ଛାପୁର ଗାଁର 55 ବର୍ଷୀୟ ଉଦୟ ସାହୁ।

ସୁବର୍ଣ୍ଣପୁର: ଡଙ୍ଗୁରିପାଲୀ ବ୍ଳକ ଇଚ୍ଛାପୁର ଗାଁରେ ଅଭାବନୀୟ ଘଟଣା ଘଟିଛି। ବଜ୍ରପାତରେ ସେହି ଗାଁର ଜଣେ ଚାଷୀଙ୍କ ମୃତ୍ୟୁ ହୋଇଛି । ମୃତକ 55 ବର୍ଷୀୟ ଉଦୟ ସାହୁ। ଉଦୟ ଜମିକୁ ପାଣି ମଡାଇବାକୁ ଯାଇ ବଜ୍ରପାତର ଶିକାର ହୋଇଥିଲେ।

ସୂଚନାନୁସାରେ, ଗୁରୁବାର ରାତିରେ ଝିପିଝିପି ବର୍ଷା ହେଉଥିବା ବେଳେ ରବି ଚାଷ ଜମିର ଘାଇ ବାନ୍ଧିବା ପାଇଁ କୋଦାଳ ଧରି ଚାଷ ଜମିକୁ ଯାଇଥିଲେ। ମାତ୍ର ଦୀର୍ଘ ସମୟ ପରେ ସେ ଘରକୁ ନଆସିବାରୁ ପରିବାର ବର୍ଗ ଓ ପଡୋଶୀ ଉଦୟଙ୍କୁ ଖୋଜିବାକୁ ଯାଇଥିଲେ। ଚାଷ ଜମିରେ ତାଙ୍କୁ ଗୁରୁତର ଅବସ୍ଥାରେ ପଡିଥିବା ଦେଖି ତାଙ୍କୁ ତୁରନ୍ତ ଡୁଙ୍ଗୁରିପାଲି ଡାକ୍ତରଖାନାରେ ଭର୍ତ୍ତି କରିଥିଲେ। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ।

ସୁବର୍ଣ୍ଣପୁର ତୀର୍ଥବାସୀ ପଣ୍ଡା, ଇଟିଭି ଭାରତ