ବାରିପଦା: ଗତ ୧୮ ତାରିଖରେ ଉଦଳାରେ ଥୁବା ମାରୁତି ସୁଜୁକି ସୋ ରୁମରୁ ଲୁଟ୍ ହୋଇଥିବା ନେଇ ଥାନାରେ ଅଭିଯୋଗ ହୋଇଥିବା ବେଳେ ପୋଲିସ ଘଟଣାର ତଦନ୍ତ କରି ଅଭିଯୁକ୍ତକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ସୋ ରୁମର ଡ୍ରାଇଭର ବୋଲି ଜଣାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ମୟୂରଭଞ୍ଜ ଜିଲ୍ଲା ଉଦଳା ମସଜିଦ ଛକ ନିକଟରେ ଥୁବା ମାରୁତି ସୁଜୁକି ସୋ ରୁମରୁ କେହି ଦୁର୍ବୃତ୍ତ ବିଳମ୍ବିତ ରାତିରେ ନଗଦ ୨ ଲକ୍ଷ ୨୬ ହଜାର ଟଙ୍କା ଚୋରି କରି ନେଇଥିବା ୧୮ ତାରିଖ ଉଦଳା ଥାନାରେ ଅଭିଯୋଗ ହୋଇଥିଲା । ପୋଲିସ ଘଟଣାର ତଦନ୍ତ ଆରମ୍ଭ କରିବାର ସପ୍ତାହକ ପରେ ଲୁଟ କରିଥିବା ଅଭିଯୁକ୍ତକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ଉକ୍ତ ସୋ ରୁମର ଡ୍ରାଇଭର ସତ୍ୟବାନ ପ୍ରଧାନ ବୋଲି ଜଣାଯାଇଛି।