ବୋମା ପ୍ରସ୍ତୁତବେଳେ ପୋଲିସ୍‌ର ଚଢାଉ, 2 ଅଟକ

କଡାଜିତ୍ ଗାଁର 2 ବ୍ୟକ୍ତି ବୋମା ପ୍ରସ୍ତୁତବେଳେ ଧରା ପଡିଛନ୍ତି ।

ବ୍ରହ୍ମଗିରି: ବୋମା ପ୍ରସ୍ତୁତବେଳେ ପୋଲିସ୍‌ର ଚଢାଉ । ସଦର ଥାନା ଅଧିନସ୍ଥ ରେବଣା କଡାଜିତ୍ ରାସ୍ତାର କଉଗାଡିଆ ଠାରେ ବୋମା ତିଆରି କରୁଥିବା ସମୟରେ 2 ବ୍ୟକ୍ତି ଧରାପଡିଛନ୍ତି । ସେମାନେ ହେଲେ କଡାଜିତ୍ ଗାଁର କାଳୁ ସେଠୀ ଓ ବସନ୍ତ ପ୍ରଧାନ ।

ଖବରମୁତାବକ, 2ଜଣ ବୋମା ତିଆରି କରୁଥିବା ସମୟରେ ବ୍ରହ୍ମଗିରି ଥାନା ପୋଲିସ ସେଠାରେ ଚଢାଉ କରିଥିଲା । ଘଟଣାସ୍ଥଳରୁ ବୋମା ତିଆରି ସାମଗ୍ରୀ ଜବତ କରିବା ସହ ସଂପୃକ୍ତ 2ଜଣ ବ୍ୟକ୍ତିଙ୍କୁ ଥାନାରେ ଅଟକ ରଖି ପଚରାଉଚରା ଜାରି ରଖିଛି ।

ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ