ଭୁବନେଶ୍ବର: ସାମୁଦ୍ରିକ ଝଡ ଫନିର ମୁକାବିଲା ପାଇଁ ଶାସନ ଓ ରାଜ୍ୟ ପ୍ରଶାସନର ସମସ୍ତ ବିଭାଗକୁ ଆର୍ଲଟ କରି ଦିଆଯାଇଛି । ଯେମିତି ବାତ୍ୟା ଫନି ନିଜ ଫଣାରେ ରାଜ୍ୟର ଧନ ଜୀବନ କ୍ଷୟକ୍ଷତି ନକରେ ସେଥିପାଇଁ ରାଜ୍ୟ ପ୍ରଶାସନର ସବୁ ବିଭାଗକୁ ଦାୟିତ୍ବ ଦିଆଯାଇଛି । ଏହାସହ ଜଳ, ସ୍ଥଳ ଓ ଆକାଶରେ ପୁରା ପୋଜିସନ ନେଇ ତୟାର ଅଛନ୍ତି ଉଦ୍ଧାରକାରୀ ଦଳ । ଏପଟେ ଫନି ତାଣ୍ଡବ ପରେ ଯେମିତି ରାଜ୍ୟର ସ୍ବାଭାବିକ ସ୍ଥିତି ବିଗିଡି ନଯାଏ ସେଥିପାଇଁ ବିଭାଗ ଦାୟିତ୍ବ ବଣ୍ଟନ କରିଛି ।
କେଉଁ ଉଦ୍ଧାରକାରୀ ଦଳଙ୍କୁ କେଉଁଠି କେତେ ପରିମାଣରେ ମୁତୟନ କରାଯାଇଛି
ଜିଲ୍ଲାଓଡ୍ରାଫଏନଡିଆରେଫଅଗ୍ନିଶମ
- ପୁରୀ 02 03 39
- ଜଗତସିଂପୁର 02 03 26
- କେନ୍ଦ୍ରାପଡା 02 03 33
- ବାଲେଶ୍ବର 02 02 35
- ଭଦ୍ରକ 02 02 30
- ଗଞ୍ଜାମ 01 02 78
- ଖୋର୍ଦ୍ଧା 01 02 24
- ଯାଜପୁର 01 02 35
- ନୟାଗଡ 01 01 -
- କଟକ 01 01 64
- ଗଜପତି 01 01 24
- ମୟୁରଭଞ୍ଜ 01 01 79
- ଢେଙ୍କାନାଳ - 01 -
- କେଉଁଝର - 01 -
15. ଭୁବନେଶ୍ବର 01 - 25
ଏଥିସହ 02 ଟି ଓଡ୍ରାଫ ଓ 03 ଟି ଏନଡିଆରେଫ ଟିମ୍ କୁ ସଜାଗ ରଖାଯାଇଛି ଆବଶ୍ୟକ ସ୍ଥଳେ ଏମାନଙ୍କୁ ବ୍ୟବହାର କରାଯିବ ।
ଫନି ମୁକାବିଲା ପାଇଁ କେଉଁ ବିଭାଗକୁ କେଉଁ ଦାୟିତ୍ବ:
- ଆଦିବାସୀ ଜନଜାତି ବିଭାଗ ଦାୟିତ୍ବ ହେଉଛି ସମସ୍ତ ଶିକ୍ଷାନୁଷ୍ଠାନ ଓ ଉଚ୍ଚ ମାଧ୍ୟମିକ ବିଦ୍ୟାଳୟ ସ୍କୁଲ ଗୁଡିକୁ ବନ୍ଦ ରଖିବେ । ଏହାସହ ସମସ୍ତ ଆବାସିକ ଛାତ୍ରବାସର ସୁରକ୍ଷା ବ୍ୟବସ୍ଥା କରିବେ ।
- ଗୃହ ନିର୍ମାଣ ଓ ନଗର ଉନ୍ନୟନ ବିଭାଗର ଦାୟିତ୍ବ ହେଉଛି ଫନି ପରେ ପରେ ଯେମିତି ପାନୀୟ ଜଳର ସମସ୍ୟା ନହୁଏ ସେଥିପାଇଁ 166 ଟ୍ୟାଙ୍କର ପ୍ରସ୍ତୁତ ରଖାଯାଇଥିବା ବେଳେ ଆଉ 42 ଗୋଟି ଟ୍ୟାଙ୍କର ବ୍ୟବସ୍ଥା କରିବାକୁ ବିଭାଗକୁ କୁହାଯାଇଛି । ବାତ୍ୟା ସମୟରେ ବିଦ୍ୟୁତ ବିଛିନ୍ନ ହେବା ଆଶଙ୍କା ଥିବାରୁ ବିଜୁଳି ପାଇଁ 101 ଡିଜି ବ୍ୟବସ୍ଥା କରିବ ବିଭାଗ ।
- ପର୍ଯ୍ୟଟନ ବିଭାଗର ଦାୟିତ୍ବ ହେଉଛି ବାତ୍ୟା ପ୍ରଭାବିତ ଅଞ୍ଚଳରେ ଯେମିତି କୌଣସି ପର୍ଯ୍ୟଟକ ନରୁହନ୍ତି ତାହା ସୁ- ନିଶ୍ଚିତ କରିବେ ଏବଂ ପରିସ୍ଥିତିରେ ସୁଧାର ନ ଆସିବା ଯାଏଁ ଏହା ଉପରେ ନଜର ରଖିବେ ।
- ମିଶନ ଶକ୍ତି ବିଭାଗ କାମ ହେଉଛି ସମସ୍ତ ଶୁଖିଲା ଖାଦ୍ୟ ଯାହା ଛତୁଆ, ଅଣ୍ଡା ସବୁ ପ୍ରଭାବିତ ଅଞ୍ଚଳରେ ଶିଶୁ ଓ ଗର୍ଭବତୀ ମହିଳାଙ୍କୁ ଅଗ୍ରିମ 7 ଦିନ ପାଇଁ ବଣ୍ଟନ କରିବେ ।
- ଗ୍ରାମ୍ୟ ଉନ୍ନୟନ ବିଭାଗ ଫନି ପରେ କ୍ଷତିଗ୍ରସ୍ତ ରାସ୍ତାର ତୁରନ୍ତ ପୁନଃ ନିର୍ମାଣ କରିବେ ।
- ଶକ୍ତି ବିଭାଗ ବିଦ୍ୟୁତ ସରବରାହ ପାଇଁ ଆବଶ୍ୟକ ମାନବ ସମ୍ବଳ ଯୋଗାଇବା ସହ ସମସ୍ତ ବିଦ୍ୟୁତ ସରଞ୍ଜାମ ବ୍ୟବସ୍ଥା କରିବେ ।
- ପୁର୍ତ୍ତ ବିଭାଗ ଯେମିତି କୌଣସି ଷ୍ଟ୍ରଙ୍ଗରୁମରେ ପାଣି ଭର୍ତ୍ତି ନହୁଏ ତାର ପ୍ରତିକାର କରିବ ।
- ସେହିପରି ସ୍ବାସ୍ଥ୍ୟ ବିଭାଗ ବିଭିନ୍ନ ଟିମ ଗଠନ କରି ସମସ୍ତ ପ୍ରଭାବିତ ଅଞ୍ଚଳରେ ସ୍ବାସ୍ଥ୍ୟ ସେବା ଯୋଗାଇବେ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
