ଆଜମ ଖାନଙ୍କୁ ଗିରିରାଜ ସିଂହଙ୍କ ଧମକ

ଆଜମ ଖାନଙ୍କୁ ଖୋଲାଖୋଲି ଭାବେ ଚ୍ୟାଲେଞ୍ଜ ଦେଇଛନ୍ତି ଗିରିରାଜ ସିଂହ ।

ନୂଆଦିଲ୍ଲୀ: ବଜରଙ୍ଗବଲୀଙ୍କ ନାଁରେ ଚାଲିଛି ରାଜନୀତି । ବିଗତ ବର୍ଷ 5 ଟି ରାଜ୍ୟରେ ହୋଇଥିବା ବିଧାନସଭା ନିର୍ବାଚନରେ ବଜରଙ୍ଗବଲୀ ଖୁବ୍‌ ଚର୍ଚ୍ଚାରେ ରହିଥିଲେ । ନେତାଙ୍କ ପ୍ରତ୍ୟେକଟି ଭାଷଣରେ ଥିଲା ବଜରଙ୍ଗବଲୀଙ୍କ ନାମ । ତେବେ ବର୍ତ୍ତମାନ ଲୋକସଭା ନିର୍ବାଚନରେ ମଧ୍ୟ ଏହି ନେତାମାନେ ବଜରଙ୍ଗବଲୀଙ୍କ ଏଣ୍ଟ୍ରି କରିବାକୁ ପଛାଇ ନାହାନ୍ତି । ତାଙ୍କ ପାଇଁ ମୁହାଁମୁହିଁ ହୋଇଛନ୍ତି କେନ୍ଦ୍ରମନ୍ତ୍ରୀ ତଥା ବିଜେପି ନେତା ଗିରିରାଜ ସିଂହ ଏବଂ ସପା ନେତା ଅଜମ ଖାନ ।

ଆଜମ ଖାନଙ୍କୁ ଖୋଲାଖୋଲି ଭାବେ ଚ୍ୟାଲେଞ୍ଜ ଦେଇଛନ୍ତି ଗିରିରାଜ ସିଂହ । ସେ ଟ୍ବିଟ୍‌ କରି କହିଛନ୍ତି, 'ଆଜମ ଖାନ ପ୍ରଥମେ ପ୍ରଧାନମନ୍ତ୍ରୀ ମୋଦିଙ୍କୁ ଗାଳି ଦେଇଥିଲେ ଆଉ ଏବେ ଆମ ଭଗବାନଙ୍କୁ । ବେଗୁସରାୟ ନିର୍ବାଚନ ସରିବା ପରେ ରାମପୁର ଆସି ଦେଖାଇଦବୁ ବଜରଙ୍ଗବଲୀ କିଏ ।'

ସୂଚନା ଯୋଗ୍ୟ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବଜରଙ୍ଗବଲୀ ବୟାନକୁ ନେଇ ସପା ନେତା ଆଜମ ଖାନ ଏକ ଜନସଭାରେ କହିଥିଲେ, ଅଲ୍ଲୀ ବି ଆମର ଏବଂ ବଜରଙ୍ଗବଲୀ ବି ଆମର । ତେଣୁ ଆମେ କହିବୁ ବଜରଙ୍ଗ-ଅଲ୍ଲୀ, ଦୁଷ୍ଟଙ୍କ ନିଅ ବଳୀ ।