ଭୁବନେଶ୍ବର: ସାଧାରଣ ନିର୍ବାଚନକୁ ଅବାଧ ଓ ନିରପେକ୍ଷ କରିବାକୁ ନିର୍ବାଚନ ଅଧିକାରୀଙ୍କ ପକ୍ଷରୁ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଏହି କ୍ରମରେ ରାଜଧାନୀରେ ବୁଧବାର ରାତି ଅଧିଆ 5ଟି ସ୍ଥାନରେ ଚଢାଉ କରିଛି ଫ୍ଲାଇଂ ସ୍କ୍ବାଡ । ନିର୍ବାଚନ ସମୟ ଥିବାରୁ ଟଙ୍କା କାରବାର ନେଇ ଫ୍ଲାଇଂ ସ୍କ୍ବାଡ ତରଫରୁ ଗାଡି ଗୁଡିକୁ ଭଲ ଭାବେ ଯାଞ୍ଚ କରାଯାଇଥିଲା।
ସୂଚନାଯୋଗ୍ୟ, ରାଜଧାନୀରେ ବେଆଇନ ଟଙ୍କା କାରବାର ନେଇ ପୋଲିସକୁ ସନ୍ଦେହ ହୋଇଥିଲା। ଯେଉଁ କାରଣରୁ ଗତ ୨ ଦିନ ହେବ ରାଜଧାନୀର ପ୍ରାୟ ୬ ଟି ସ୍ଥାନରେ ଦିନରାତି ବିଭିନ୍ନ ଗାଡ଼ିକୁ ପୋଲିସ ଓ ଫ୍ଲାଇଂ ସ୍କ୍ବାଡ ଯାଞ୍ଚ କରୁଥିବା ନଜରକୁ ଆସିଥିଲା।