କଟକ: ସାମୁଦ୍ରିକ ଘୂର୍ଣ୍ଣିଝଡ ‘ଫନି’ ପାଇଁ ଏବେ ସାରା ରାଜ୍ୟରେ ଆଶା ଆଶଙ୍କା ପ୍ରକାଶ ପାଇଥିବାବେଳେ ‘ଫନି’ ର ମୁକାବିଲା କରିବା ପାଇଁ ପ୍ରଶାସନ ପୁରା ଦମ୍ ଲଗାଇ ଦେଇଛି । ଫନି ପାଇଁ କେନ୍ଦ୍ର ଗୃହ ମନ୍ତ୍ରଣାଳୟ ନିର୍ଦ୍ଦେଶନାମା ଜାରି କଲା ପରେ ଏବେ ରାଜ୍ୟ ପ୍ରଶାସନ ମୁକାବିଲା ପାଇଁ ସମସ୍ତ ବିଭାଗକୁ ସତର୍କ କରିଛି । ବାତ୍ୟାପରର କ୍ଷୟକ୍ଷତି ଓ ସମ୍ଭାବ୍ୟ ପୁନଃ ନିର୍ମାଣ ପାଇଁ ରାଜ୍ୟ ଅଗ୍ନିଶମ ବାହିନୀକୁ ଆର୍ଲଟରେ ରଖାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ସମସ୍ତ ଉପକୂଳ ଜିଲ୍ଲାରେ ଥିବା ଅଗ୍ନିଶମ କେନ୍ଦ୍ର ଗୁଡିକରେ ଆବଶ୍ୟକ ସରଞ୍ଜାମ ମହଜୁଦ ରଖିବା ପାଇଁ ନିର୍ଦ୍ଦେଶ ଦିଆଯାଇଛି ବୋଲି କହିଛନ୍ତି ମୁଖ୍ୟ ଅଗ୍ନିଶମ ଅଧିକାରୀ ସୁକାନ୍ତ ସେଠୀ । ଏହାସହ ସମସ୍ତ କେନ୍ଦ୍ରକୁ ଯାଇ ଜଣେ ଉଚ୍ଚ ଅଧିକାରୀ ସମସ୍ତ ପ୍ରସ୍ତୁତିର ତଦାରଖ କରୁଥିବା କହିଛନ୍ତି ।