ଭୟାବହ ଅଗ୍ନିକାଣ୍ଡ, 10 ପରିବାର ବାସହରା

ପଟ୍ଟାମୁଣ୍ଡାଇ ବ୍ଲକ ବାସୁଦେବପୁର ଗାଁରେ ଅଘଟଣ । 10ଟି ପରିବାର ବାସହରା ହୋଇଥିବାବେଳେ ତୁରନ୍ତ ସରକାରୀ ସହାୟତା ଯୋଗାଇଦେବାକୁ ବିଭିନ୍ନ ମହଲରୁ ଦାବି ହୋଇଛି।

କେନ୍ଦ୍ରାପଡା: ଅଗ୍ନିକାଣ୍ଡ ଘଟି ୧୦ଟି ପରିବାରର ଘର ପୋଡି ପାଉଁଶ । ଶୁକ୍ରବାର ଦିନ କେନ୍ଦ୍ରାପଡ଼ା ପଟ୍ଟାମୁଣ୍ଡାଇ ବ୍ଲକ ବାସୁଦେବପୁର ଗାଁରେ ଏହି ଅଘଟଣ ଘଟିଛି । ଅଗ୍ନିକାଣ୍ଡରେ 1୦ଟି ପରିବାରର ୨୦ରୁ ଉର୍ଦ୍ଧ୍ବ ବଖରା ଜଳି ଯାଇଛି ।

ଖବରପାଇ ସ୍ଥାନୀୟ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ମଧ୍ୟରେ 10ଟି ପରିବାର ବାସହରା ହୋଇ ସାରିଥିଲେ । ବିଦ୍ୟୁତ ସଟସର୍କିଟ ଯୋଗୁଁ ଏଭଳି ଅଗ୍ନିକାଣ୍ଡ ହୋଇଥାଇପାରେ ବୋଲି ସମସ୍ତେ ଅନୁମାନ କରୁଛନ୍ତ। ତେବେ ବାସହରା ପରିବାରକୁ ତୁରନ୍ତ ସରକାରୀ ସହାୟତା ଯୋଗାଇଦେବାକୁ ବିଭିନ୍ନ ମହଲରୁ ଦାବି ହୋଇଛି।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ