ବାଲେଶ୍ବର: ଜଳେଶ୍ବର ଥାନା ପଶ୍ଚିମ ବାର୍ଡ଼ ପଞ୍ଚାୟତ ଦେବକୁମାର ଗ୍ରାମରେ ଘଟିଛି ଅଘଟଣ। ବିଦ୍ୟୁତ ଆଘାତରେ ଜଣେ ଚାଷୀଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । କ୍ଷତିପୂରଣ ଦାବିରେ ଉତ୍ତ୍ୟକ୍ତ ଲୋକ ରାସ୍ତାରେ ଆନ୍ଦୋଳନ କରିଛନ୍ତି ।
ସୂଚନା ଅନୁଯାୟୀ ଶନିବାର ଭୋର 5ଟାବେଳେ ସୁରେନ୍ଦ୍ର ଜେନା ତାଙ୍କ ଭାଗ ଜମିକୁ ଯାଇଥିଲେ। ସେଠାରେ ବିଦ୍ୟୁତ ଆଘାତରେ ତାଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଅଳ୍ପ ଉଚ୍ଚତାରେ ବିଦ୍ୟୁତ ତାର ଟଣା ଯାଇଥିବାରୁ ଅନ୍ଧାରରେ ଏମିତି ଦୁର୍ଘଟଣା ଘଟିଛି ବୋଲି ଅଭିଯୋଗ କରିଛନ୍ତି ଲୋକେ ।