ନୂଆପଡା: ଜମି ପ୍ରସ୍ତୁତ, ଚାଷୀ ବି ପ୍ରସ୍ତୁତ । ହେଲେ ବୁଣିବାକୁ ବିହନ ନାହିଁ । ଅପେକ୍ଷା ସରକାରୀ ବିହନକୁ । ଆଉ ସେହି ସରକାରୀ ବିହନ କେବେ ଆସିବ ତାହା ଅନିଶ୍ଚିତତା ଘେରରେ । ନୂଆପଡା ଜିଲ୍ଲାରେ ପ୍ରାକ୍ ମୌସୁମୀ ବର୍ଷା ଆରମ୍ଭ ହୋଇଥିବା ବେଳେ ଚାଷ ପାଇଁ ଅଣ୍ଟା ଭିଡିଲେଣି ଚାଷୀ । କିନ୍ତୁ ଠିକ୍ ପାଗରେ ଧାନ ବୁଣିବାକୁ ପ୍ରସ୍ତୁତି ଥିବା ଚାଷୀ ପାଖରେ ନାହିଁ ବିହନ ।
ଭିଡିଓ ସୌଜନ୍ୟ : ପ୍ରତିନିଧି, ନୂଆପଡା
ସରକାର ଚାଷୀଙ୍କ ପାଇଁ ବିଭିନ୍ନ ଯୋଜନା ପ୍ରସ୍ତୁତ କରୁଛନ୍ତି । ଆଉ ଏହାକୁ ପୂରଣ କରିବାକୁ ପ୍ରତିଶ୍ରୁତିର ପାହାଡ ଠିଆ କରୁଛନ୍ତି । କିନ୍ତୁ ବାସ୍ତବତା ଏମାନଙ୍କ ଦୁଃଖ ଶୁଣିଲା ପରେ ଜଣାପଡୁଛି । ଜିଲ୍ଲାର ଖଡିଆଳ, ସିନାପାଲି, ବୋଡେନ, କୋମନା ଏବଂ ନୂଆପଡା ବ୍ଲକର ଚାଷୀଙ୍କୁ ଆବଶ୍ୟକୀୟ ଧାନବିହନ ମିଳୁନାହିଁ । ଏପରିକି ସାର, କୀଟନାଶକ, ଯୋଗାଇ ଦିଆଯାଉନଥିବା ଅଭିଯୋଗ ହୋଇଛି । ସେପଟେ ଚାଷୀ ଧାନବିହନ ନପାଇ ଘରେ ସଞ୍ଚୟ ରଖିଥିବା ଖାଇବା ଶସ୍ୟକୁ ବୁଣୁଥିବା ଦେଖାଦେଇଛି ।