କଳ୍ପତରୁ ଦାସ ନ୍ୟାସନାଲ ଫାଉଣ୍ଡେସନ ପକ୍ଷରୁ କୋଭିଡ ସଚେତନତା ସହ ମାସ୍କ ବଣ୍ଟନ

କଳ୍ପତରୁ ଦାସ ନ୍ୟାସନାଲ ଫାଉଣ୍ଡେସନ ତରଫରୁ ଆଜି ଧର୍ମଶାଳା ବ୍ଲକର ବିଭିନ୍ନ ସ୍ଥାନରେ କୋଭିଡ ସଚେତନତା କାର୍ଯ୍ୟକ୍ରମ ସହ ମାସ୍କ ବଣ୍ଟନ । ଅଧିକ ପଢନ୍ତୁ...

ଭୁବନେଶ୍ବର: କଳ୍ପତରୁ ଦାସ ନ୍ୟାସନାଲ ଫାଉଣ୍ଡେସନ ତରଫରୁ ଆଜି ଧର୍ମଶାଳା ବ୍ଲକର ବିଭିନ୍ନ ସ୍ଥାନରେ କୋଭିଡ ସଚେତନତା କାର୍ଯ୍ୟକ୍ରମ କରାଯିବା ସହ ମାସ୍କ ବଣ୍ଟନ କରାଯାଇଛି । ସ୍ଥାନୀୟ ବିଧାୟକ ପ୍ରଣବ କୁମାର ବଳବନ୍ତରାୟଙ୍କ ନିର୍ଦ୍ଦେଶକ୍ରମେ ଧର୍ମଶାଳା ବିଜୁ ଛାତ୍ର ଜନତା ଦଳର ସଭାପତି ଜଗଦାନନ୍ଦ ରାଉତଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ହାତକୁ ନିଆଯାଇଛି । ବିଜୁ ଛାତ୍ର ଜନତା ଦଳ ରାଜ୍ୟ ସମ୍ପାଦିକା ଅନିଶା ପ୍ରିୟଦର୍ଶିନୀ ପ୍ରଧାନଙ୍କ ଉପସ୍ଥିତିରେ ହରିଦାସପୁର ଗ୍ରାମପଞ୍ଚାୟତର କଞ୍ଚିଆ ଗ୍ରାମରେ ଶୁଖିଲା ଖାଦ୍ୟ, ମାସ୍କ ବଣ୍ଟନ କରାଯାଇଛି ।

କରୋନାର ଦ୍ଵିତୀୟ ଲହର ସହ କିପରି ମୁକାବିଲା କରାଯିବ ସେଥିପାଇଁ ସଚେତନ କରାଯାଇଛି । କାର୍ଯ୍ୟକ୍ରମରେ ବିଜୁ ଜନତା ଦଳ ୧୩ନଂ ଜୋନ୍ ସଂଯୋଜକ ବିକ୍ରମ ବିଶ୍ଵାଳ, ଯାଜପୁର ଜିଲ୍ଲା ଉପସଭାପତି ଦେବାଶିଷ ବରାଳ, ଜିଲ୍ଲା ଛାତ୍ର ବିଜେଡ଼ି ସମ୍ପାଦକ ଶକ୍ତିକାନ୍ତ ବଳ, ଧର୍ମଶାଳା ସାଧାରଣ ସମ୍ପାଦକ ସୁଧାଂଶୁ ବରାଳ, ସାଗର ରାୟ, କୈଶର ଆଜମ ଖାନ୍, ଛାତ୍ର ନେତା ସୋମ୍ୟ ମହାନ୍ତି, ଆଶୁତୋଷ ନାୟକ, ରାକେଶ ବରାଳ,ମାନସ ମହାନ୍ତି, ଚହଟା ଗ୍ରା.ପ ଛାତ୍ର ବିଜେଡ଼ି ସଭାପତି କାଳନ୍ଦୀ ମହାରଣା, ହରିଦାସପୁର ଗ୍ରା.ପ ଛାତ୍ର ବିଜେଡ଼ି ସଭାପତି ରୋନିତ ସ୍ୱାଇଁ ଏବଂ ଡିଜିଟାଲ ସେକ୍ରେଟାରୀ ପବିତ୍ର ସାହୁ ପ୍ରମୁଖ ଉପସ୍ଥିତ ଥିଲେ ।

ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ