ଭୁବନେଶ୍ବର: ସାମୁଦ୍ରିକ ଘୁର୍ଣ୍ଣିଝଡ ‘ଫନି’ ରାଜ୍ୟର ଉପକୂଳକୁ ଧ୍ବସ୍ତ ବିଧ୍ବସ୍ତ କରିଦେଇଥିଲେ ମଧ୍ୟ ରାଜ୍ୟବାସୀଙ୍କ ମନବୋଳକୁ ଧ୍ବଂସ କରିପାରିନାହିଁ । ଫନି ଯିବାର 7ଦିନ ବିତିଯାଇଥିଲେ ମଧ୍ୟ ଫନି ପ୍ରଭାବିତ ଅଞ୍ଚଳରେ ସ୍ବଭାବିକ ଅବସ୍ଥା ଆସିନାହିଁ ସତ କିନ୍ତୁ ପୁଣିଥରେ ରାଜ୍ୟର ସ୍ଥିତିକୁ ଟ୍ରାକକୁ ଫେରାଇ ଆଣିବା ପାଇଁ ଏବେ ସବୁ ସ୍ତରରେ ଜୋରଦାର ଉଦ୍ୟମ ଜାରି ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଆଉ ଜନଜୀବନଙ୍କ ସୁବିଧା ପାଇଁ ଅଗ୍ନିଶମ ବିଭାଗ, ଏନଡିଆରଏଫ, ଓଡ୍ରାଫ ଓ ଓଡିଶା ପୋଲିସ ସବୁ ଶକ୍ତି ଲଗାଇ ଦେଇଛନ୍ତି । ଲୋକମାନଙ୍କର କିଛି ଅସୁବିଧା ଯେମିତି ନହୁଏ ସେଥିପାଇଁ ଭୁବନେଶ୍ବରରୁ ପୁରୀ ମଧ୍ୟରେ ସମସ୍ତ ପ୍ରକାରର ପଦକ୍ଷେପ ପୋଲିସ କରିଛି । ସେହିଭଳି ଯୁଦ୍ଧକାଳୀନ ଭିତ୍ତିରେ ଏନଡିଆରଏଫ, ଓଡ୍ରାଫ, ଓଡ଼ିଶା ପୋଲିସର ମିଳିତ ଟିମ ରାଜଧାନୀର ବିଭିନ୍ନ ଅଞ୍ଚଳରେ ଗଛ କାଟିବା ସହ ଶୋଇପଡିଥିବା ବିଦ୍ୟୁତ ଖୁଣ୍ଟକୁ ରାସ୍ତାରୁ ହଟାଉଛନ୍ତି ।