ନବରଙ୍ଗପୁର: ମାଛ ମାରିବାକୁ ଯାଇ ଆଉ ଫେରିଲେନି 2 ଯୁବକ । ଖୋଜାଖୋଜି ପରେ ଗାଁ ନିକଟ ଚାଷଜମିରୁ ଦୁହିଁଙ୍କ ମୃତଦେହ ଠାବ ହୋଇଛି । ନବରଙ୍ଗପୁର ଜ଼ିଲ୍ଲା ପାପଡାହାଣ୍ଡି ବ୍ଲକ ବରଦେଇ ଗାଁରେ ଘଟିଛି ଏହି ଅଘଟଣ।
2 ମୃତକ ହେଉଛନ୍ତି ହେଲେ ଉକ୍ତ ଗାଁର ବିଶ୍ୱନାଥ ନାୟକ (20) ଓ ମହେନ୍ଦ୍ର ଭତ୍ରା (19) l
ସୂଚନାମୁତାବକ, ରବିବାର ରାତିରେ 2 ଯୁବକ ଦୁହେଁ ଗାଁ ନିକଟରେ ମାଛ ଧରିବାକୁ ଜାଲ ଧରି ଯାଇଥିଲେ। ବିଳମ୍ବିତ ରାତି ଯାଏଁ ଦୁହେଁ ନଫେରିବାରୁ ପରିବାର ଲୋକେ ଖୋଜାଖୋଜି କରିଥିଲେ। କିନ୍ତୁ ସେମାନଙ୍କୁ ପାଇ ନଥିଲେ। ତେବେ ଆଜି ସକାଳ ସମୟରେ ଗାଁର କିଛି ଲୋକେ ଦୁହିଁଙ୍କ ମୃତଦେହ ଗାଁ ନିକଟ ଚାଷଜମିରେ ପଡିଥିବାର ଦେଖିଥିଲେ। ଏହି ଖବର ପାଇ ସେମାନଙ୍କ ପରିବାରବର୍ଗରେ ଶୋକର ଛାୟା ଖେଳିଯାଇଛି।
ଫଟୋ ସୌଜନ୍ୟ: ସମ୍ବାଦଦାତା, ନବରଙ୍ଗପୁର