ବାଲେଶ୍ୱର: ଜଳେଶ୍ବର ନିର୍ବାଚନ ମଣ୍ଡଳୀର 4ଟି ବୁଥରେ ବିଜେଡି କବଜା କରିଥିବା ଅଭିଯୋଗ ହୋଇଛି । ଯାହାକୁ ନେଇ ଉକ୍ତ ବୁଥ ଗୁଡିକରେ ସାନି ମତଦାନ ପାଇଁ କଂଗ୍ରେସ ଦାବି କରିଛି । ଆୟୋଜିତ ସାମ୍ବାଦିକ ସମ୍ମିଳନୀରେ ଜଳେଶ୍ବରର କଂଗ୍ରେସ ବିଧାୟକ ପ୍ରାର୍ଥୀ ସୁଦର୍ଶନ ଦାସ ଏହି ଦାବି ଏବଂ ଅଭିଯୋଗ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୁଦର୍ଶନଙ୍କ ଅଭିଯୋଗ ଅନୁଯାୟୀ, କାଦରାଇଁଆ ପଞ୍ଚାୟତରେ ବିଜେଡି ପକ୍ଷରୁ 187, 188, 189, 190 ବୁଥରେ ଥିବା କଂଗ୍ରେସର ପୋଲିଂ ଏଜେଣ୍ଟଙ୍କୁ ବିଜେପି କର୍ମୀ ରାଗିଙ୍ଗ କରିଥିଲେ । ପରେ ବୁଥ ଗୁଡିକ ଉପରେ କବଜା କରି ନେଇଥିଲେ । ଏଥିସହିତ ଭୋଟ କେନ୍ଦ୍ରରେ ସ୍କୁଲ ପିଲାଙ୍କୁ ଭଲ୍ୟୁଣ୍ଟର ଭାବେ ରଖି ତାଙ୍କ ମାଧ୍ୟମରେ ବିଜେଡି ସପକ୍ଷରେ ଭୋଟ ଗ୍ରହଣ କରାଯାଇଥିଲା । ଯାହାକୁ କଂଗ୍ରେସ ପ୍ରତିବାଦ କରିବାରୁ ଘଟଣାସ୍ଥଳରେ କିଛି ସମୟ ପାଇଁ ଉତ୍ତେଜନା ଦେଖାଦେଇଥିଲା ।