କଟକ: କଟକ ସହରରେ ଧଳା ଜହର । ସ୍ମାର୍ଟସିଟି ପରେ ଏବେ ନିଶା ବେପାରୀଙ୍କ ଟାର୍ଗେଟରେ ସିଲଭରସିଟି । ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି ଏହି ବ୍ୟବସାୟର ଗ୍ରାହକ ସାଜିଛନ୍ତି କଲେଜ ପଢୁଆ ଛାତ୍ରଛାତ୍ରୀ ।
ଏହି କ୍ରମରେ ଶନିବାର କଟକ ବୋଷ କଲେଜ ନିକଟସ୍ଥ ଅଞ୍ଚଳରେ ଜବତ ହୋଇଛି ୨୬ ଗ୍ରାମ ବ୍ରାଉନସୁଗାର । ଯାହାର ମୂଲ୍ୟ 2 ଲକ୍ଷ 60 ହଜାର ଟଙ୍କା ହେବ ବୋଲି ସୂଚନା ଦେଇଛନ୍ତି ବିଭାଗୀୟ ଇନ୍ସପେକ୍ଟର ଜଗଦୀଶ ଚନ୍ଦ୍ର ସାମଲ । ଏଥିସହିତ ମାମଲାରେ ସମ୍ପୃକ୍ତ ଜଣେ ଅଭିଯୁକ୍ତକୁ ଗିରଫ କରିଛି ଅବକାରୀ ଟିମ୍ । ଗିରଫ ଅଭିଯୁକ୍ତ ବୋଷ କଲେଜ ନିକଟସ୍ଥ ବସ୍ତି ଅଞ୍ଚଳର ଗଗନ ନାୟକ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ