କେନ୍ଦ୍ରାପଡା: ପାଟକୁରାରେ ଖୁବ୍ ଶୀଘ୍ର ନିର୍ବାଚନ ଆଶାରେ ରାଜ୍ୟ ବିଜେପି । ଏନେଇ ମଙ୍ଗଳବାର ଅପରାହ୍ନରେ ରାଜ୍ୟ ବିଜେପି ପକ୍ଷରୁ କେନ୍ଦ୍ରାପଡ଼ା ସ୍ୱୟଂ ସେଲିବ୍ରେସନ ମଣ୍ଡପରେ ଏକ ପ୍ରେସମିଟର ଆୟୋଜନ କରାଯାଇଥିଲା । ବାତ୍ୟା 'ଫନି' ପ୍ରଭାବରେ ଜିଲ୍ଲାରେ ବିଶେଷ କ୍ଷୟକ୍ଷତି ହୋଇନଥିଲା । ତଥାପି ପ୍ରଶାସନ ପକ୍ଷରୁ ଏହାକୁ ଉଦ୍ଦେଶ୍ୟମୂଳକ ଭାବେ ଘୁଞ୍ଚାଇ ଦିଆଯାଇଥିଲା ବୋଲି ଅଭିଯୋଗ ଆଣିଥିଲେ ବିଜେପି ନେତୃବୃନ୍ଦ ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ଏଥିସହିତ ପାଟକୁରା ଆସନ ପାଇଁ ପ୍ରାର୍ଥୀ ଚୟନରେ ବିଜେଡି ଯେଉଁଭଳି ଭାବେ ଚଞ୍ଚକତା ଦେଖାଇଥିଲା ତାହା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରି ଦେଇଥିଲା । ଆଉ ଏବେ ବିଭିନ୍ନ ଆଳ ଦେଖାଇ ନିର୍ବାଚନକୁ ବିଳମ୍ବ କରିବା ସହିତ ବିଜୟ ମହାପାତ୍ରଙ୍କ ଭଳି ନେତାଙ୍କୁ ବିଧାନସଭାରେ ସ୍ଥାନ ନଦେବାକୁ ବିଜେଡି ଯେଉଁ ଚକ୍ରାନ୍ତ କରିଛି ତାହା ନିଷ୍ଫଳ ହେବ ବୋଲି କହିଛନ୍ତି ନେତୃବର୍ଗ ।