ଭୁବନେଶ୍ବର: ରାଜଧାନୀରେ ଦିନକୁ ଦିନ ବଢୁଛି ଦାଦାଗିରି । ଯାହାକୁ ନେଇ ସିଧା ସଳଖ ଅଭିଯୋଗ ପହଞ୍ଚିଛି ଭୁବନେଶ୍ବର ଡିସିପିଙ୍କ ନିକଟରେ । ଦିନ ଦ୍ବିପ୍ରହରରେ ଦାଦାଗିରି କରିବା ସହ ଧମକ ଚମକ ଦେଉଥିବା ଅଭିଯୋଗ କରିଛନ୍ତି କଳ୍ପନା ପେଟ୍ରୋଲ ପମ୍ପର କର୍ମଚାରୀମାନେ ।
ଭିଡିଓ ସୌଜନ୍ଯ: ସମ୍ବାଦଦାତା, ଭୁବନେଶ୍ବର
ସୂଚନାମୁତାବକ, OD 02 AX 6980 ମାରୁତି ଅଲଟୋରେ ଆସିଥିବା କିଛି ଅସାମାଜିକ ଯୁବକ ନନାଙ୍କ ନାଁ କହି ଗାଡିରେ ପେଟ୍ରୋଲ ପକାଇବା ପାଇଁ କର୍ମଚାରୀଙ୍କୁ କହିଥିଲେ । ତେବେ କର୍ମଚାରୀ ଜଣଙ୍କ ପଇସା ଦେଲେ ପେଟ୍ରୋଲ ମିଳିବ ବୋଲି କହିଥିଲେ । ଏଥିରେ ଉତକ୍ଷିପ୍ତ ହୋଇ ସେମାନେ 2ଜଣ ପେଟ୍ରୋଲ ପମ୍ପର କର୍ମଚାରୀଙ୍କୁ ନିର୍ଧୁମ ମାଡ ମାରିଥିଲେ । ଏଥିସହ ମାଲିକଙ୍କୁ ୨୦ ହଜାର ଟଙ୍କା ବଟି ଦେବା ପାଇଁ କହିବ, ନଚେତ ପେଟ୍ରୋଲ ପମ୍ପ ଉଡାଇଦେବୁ ବୋଲି ସେମାନେ ଧମକ ଦେଇଥିଲେ ।