ଜାମସେଦପୁରର ଏକ କୋଠାରୁ ଡେଇଁ ଓଡିଆ ଯୁବକଙ୍କ ଆତ୍ମହତ୍ୟା

ଜାମସେଦପୁରରେ ଛାତରୁ ଡେଇଁ ଆତ୍ମହତ୍ୟା କଲେ ଓଡିଆ ଯୁବକ । ଘର ରାଉରକେଲା । ତଦନ୍ତ ଆରମ୍ଭ କରିଛି ପୋଲିସ । ଅଧିକ ପଢନ୍ତୁ

ରାଞ୍ଚି:ଜାମସେଦପୁରର ବିସ୍ତୁପୁର ପୋଲିସ ଷ୍ଟେସନ ଅଞ୍ଚଳରେ ଜଣେ ଓଡିଆ ଯୁବକଙ୍କ ଆତ୍ମହତ୍ୟା । ମୃତ ଯୁବକ 35 ବର୍ଷୀୟ ରାହୁଲ ଅଗ୍ରୱାଲ ଓ ତାଙ୍କ ଘର ଓଡ଼ିଶାର ରାଉରକେଲାରେ ହୋଇଥିବା ପ୍ରାଥମିକ ଭାବେ ପୋଲିସ ସ୍ପଷ୍ଟ କରିଛି । ଯୁବକଜଣଙ୍କ ଏକ ବହୁ ମହଲା କୋଠାର ଛାତରୁ ଡେଇଁ ଆତ୍ମହତ୍ୟା କରିଛନ୍ତି । ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।

ସ୍ଥାନୀୟ ଲୋକଙ୍କ ଠାରୁ ସୂଚନା ପାଇବା ପରେ ସିଟି ଏସପି ବିଜୟ ଶଙ୍କର ଓ ସ୍ଥାନୀୟ ଥାନାଧିକାରୀ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିଲେ। ପୋଲିସ ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ହସ୍ପିଟାଲକୁ ପଠାଇଛି । ଏହି ଆତ୍ମହତ୍ୟା ସମ୍ପର୍କରେ ପାରିବାରିକ କଳହକୁ ସନ୍ଦେହ କରାଯାଉଥିବାବେଳେ ପୋଷ୍ଟମର୍ଟମ ରିପୋର୍ଟ ପରେ କାରଣ ସ୍ପଷ୍ଟ ହେବା ନେଇ ପୋଲିସ କହିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ