ମୁମ୍ବାଇ: ମହାରାଷ୍ଟ୍ର ମୁମ୍ବାଇର ଦେଓନାର ଅଞ୍ଚଳରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ବାନ୍ଧବୀ ଜଣକ ଫୋନ ନ ଉଠାଇବାରୁ ଆତ୍ମହତ୍ୟା(Young man attempt suicide in Mumbai) କରିଛନ୍ତି ଯୁବକ । ଉଭୟ ଏକ ବିଳମ୍ବିତ ରାତିରେ ଆୟୋଜିତ ପାର୍ଟି(Late night party)ରୁ ଫେରିବା ପରେ ଘଟିଛି ଏହି ଘଟଣା ।
ମୃତକଙ୍କ ନାମ ମାନବ ଲାଲୱାନି(୨୪) ବୋଲି ଜଣାପଡ଼ିଛି । ସ୍ଥାନୀୟ ଟ୍ରମ୍ବେ ପୋଲିସ ଷ୍ଟେସନର ବରିଷ୍ଠ ପୋଲିସ ଅଧିକାରୀ ସିଦ୍ଧେଶ୍ବର ଗୋଭେଙ୍କ କହିବାନୁସାରେ, ମାନବ ଓ ତାଙ୍କ ବାନ୍ଧବୀ ଏକ ପାର୍ଟିରେ ଯୋଗଦାନ ପରେ ବିଳମ୍ବିତ ରାତ୍ରିରେ ଘରକୁ ଫେରିଥିଲେ । ମାନବ ଘରକୁ ଫେରିବା ପରେ ବାନ୍ଧବୀଙ୍କୁ ଯୋଗାଯୋଗ କରିବା ପାଇଁ ଚେଷ୍ଟା କରିଥିଲେ । କିନ୍ତୁ ଯୁବତୀ ଜଣକ ଫୋନ ନ ଉଠାଇନଥିଲେ । ମାନବ ବାରମ୍ବାର ଯୋଗାଯୋଗ କରିବା ପରେ ମଧ୍ୟ ଜବାବ ନ ମିଳିବାରୁ ସେ ଦଉଡ଼ି ଲଗାଇ ଆତ୍ମହତ୍ୟା କରିଛନ୍ତି ।