କୋଲକାତା: ଶନିବାର ଟିଏମସିରେ ଯୋଗ ଦେଇଥିବା ପୂର୍ବତନ କେନ୍ଦ୍ର ମନ୍ତ୍ରୀ ଯଶବନ୍ତ ସିହ୍ନା ମମତା ବାନାର୍ଜୀଙ୍କୁ ଭିନ୍ନ ଢଙ୍ଗରେ ପ୍ରଶଂସା କରିଥିବା ଦେଖିବାକୁ ମିଳିଛି । ଦୁଇ ଦୁଇ ଦଶନ୍ଧି ପୂର୍ବରୁ ଆତଙ୍କବାଦୀମାନେ ଏୟାର ଇଣ୍ଡିଆ ବିମାନ ଅପହରଣ କରିବା ପ୍ରସଙ୍ଗରେ ମମତାଙ୍କ ସାହାସ ଓ ତ୍ୟାଗକୁ ପ୍ରଶଂସା କରିଛନ୍ତି ଯଶୋବନ୍ତ । ସେ କହିଛନ୍ତି 814 ଯାତ୍ରୀଙ୍କ ବଦଳରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ନିଜେ ବନ୍ଧକ ଭାବରେ ଯିବାକୁ ପ୍ରସ୍ତାବ ଦେଇଥିଲେ ।
1999 ମସିହା ଡିସେମ୍ବର 24 ତାରିଖରେ ଏକ ଏୟାର ଇଣ୍ଡିଆ ବିମାନକୁ ଅପହରଣ କରି ଆଫଗାନିସ୍ତାନର କାନ୍ଦାହାରକୁ ନିଆଯାଇଥିଲା । ସେତେବେଳେ କ୍ୟାବିନେଟ୍ ବୈଠକରେ ସାହସିକତାର ସହ ଏକ ପ୍ରସ୍ତାବ ଦେଇଥିଲେ ମମତା ଜୀ । ତାଙ୍କ ବଦଳରେ ଆତଙ୍କବାଦୀମାନେ ଅନ୍ୟ ଯାତ୍ରୀଙ୍କୁ ଛାଡି ଦେବା ନେଇ ମମତା ସେତେବେଳେ ପ୍ରସ୍ତାବ ଦେଇଥିବା କହି ତାଙ୍କ ସାହସ ଓ ଧୈର୍ଯ୍ୟକୁ ପ୍ରଶଂସା କରଛନ୍ତି । ମମତା ଆରମ୍ଭରୁ ଜଣେ ସଂଗ୍ରାମୀ ରହିଆସିଛନ୍ତି। ସେ ନିଜ ଜୀବନକୁ ଭୟ କରନ୍ତି ନାହିଁ ବୋଲି ସିହ୍ନା କହିଛନ୍ତି ।