ନୂଆଦିଲ୍ଲୀ: ଆଇନକାନୁନ ଭୁଲି ଗଲେ ଆଇନଜୀବୀ । ମହିଳା ଏସଆଇଙ୍କୁ ଧକ୍କା ମାରିଲେ ଆଇନଜୀବୀ ସ୍ବାମୀ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ଦିଲ୍ଲୀର ନଜଫଗଡ ପୋଲିସ ଷ୍ଟେସନ ଅଞ୍ଚଳରୁ ସାମ୍ନାକୁ ଆସିଛି ଏପରି ଭିଡିଓ । ଶେଷରେ ସ୍ବାମୀ ମାଡ ମାରୁଥିବା ଅଭିଯୋଗ ଆଣିଲେ ମହିଳା ।
ଏନେଇ ମହିଳା ଏସଆଇ ଜଣକ କହିଛନ୍ତି, "ମୋ ସ୍ବାମୀ ବୃତ୍ତିରେ ଜଣେ ଓକିଲ, ସେ ସେ ଦିଲ୍ଲୀର ବାରୱାଲା ଗ୍ରାମରେ ରୁହନ୍ତି । ଅନେକ ସମୟରେ ସେ ମୋତେ ର୍ଦୁବ୍ୟବହାର କରନ୍ତି, ଗତ ୧୧ ତାରିଖରେ ମୁଁ ଯେତେବେଳେ ମୋ ଭଉଣୀ ଘରେ ଥିଲି , ସେତେବେଳେ ମୋ ସ୍ବାମୀ ୩ଜଣ ସହଯୋଗୀଙ୍କ ସହ ତିନିଟି ଗାଡିରେ ଆସି ମୋତେ ଓ ମୋ ଭଉଣୀଙ୍କୁ ମାଡ ମାରିଥିଲେ । ଏହା ପୂର୍ବରୁ ସେପ୍ଟେମ୍ବର ୪ତାରିଖରେ ମଧ୍ୟ ମାଡ ମାରିବା ସହ ଧମକ ଦେଇଥିଲେ ।" ଏହାପରେ ନଜଫଗଡ ପୋଲିସ ଷ୍ଟେସନରେ ଏନେଇ ଅଭିଯୋଗ କରିବା ପରେ ନିଜର ସୁରକ୍ଷା ପାଇଁ କହିଥିଲେ ମହିଳା ଏସଆଇ ଜଣଙ୍କ।
ଏନେଇ ଅତିରିକ୍ତ ଡିସିପି ବିକ୍ରମ ସିଂ କହିଛନ୍ତି, "ଡିସେମ୍ବର ୧୨ରେ ନଜଫଗଡ ପୋଲିସ ଷ୍ଟେସନରେ ଜଣେ ମହିଳା ଏସଆଇ ସ୍ବାମୀଙ୍କ ଦ୍ବାରା ଆକ୍ରମଣର ଶିକାର ହୋଇଥିବା ଅଭିଯୋଗ କରିଥିଲେ । ଡିସେମ୍ବର ୪ରେ ତରୁଣ ଦବାସ ଏବଂ ତାଙ୍କର କିଛି ଗୁଣ୍ଡା ତାଙ୍କୁ ରୋହିଣୀ ହେଲିପୋର୍ଟରେ ଆକ୍ରମଣ କରିଥିଲେ । ଏହାପରେ ସେ PCR କଲ୍ କରି ପୋଲିସକୁ ଡାକିଥିଲେ, ଫଳରେ ସେ ଅଳ୍ପକେ ବର୍ତ୍ତି ଯାଇଥିଲେ ।"