Lemon Price Hike Effect: ବିବାହ ଉତ୍ସବରେ ବରଙ୍କୁ ଲେମ୍ବୁ ଉପହାର

ଖରାଦିନ ବଢ଼ିବା ସାଙ୍ଗକୁ ଲେମ୍ବୁର ଦର ଆକାଶ ଛୁଆଁ ହେବାରେ ଲାଗିଛି । ଏଭଳି ପରିସ୍ଥିତିରେ ଲୋକେ ବିବାହରେ ଲେମ୍ବୁକୁ ଉପହାର ଭାବରେ ଦେଉଛନ୍ତି । ଅଧିକ ପଢ଼ନ୍ତୁ

ଗାନ୍ଧୀନଗର: ଦେଶରେ ପଡ଼ିଛି ମହଙ୍ଗା ମାଡ଼ । ଖରାଦିନ ବଢ଼ିବା ସାଙ୍ଗକୁ ଲେମ୍ବୁର ଦର ଆକାଶ ଛୁଆଁ ହେବାରେ ଲାଗିଛି। ଏଭଳି ପରିସ୍ଥିତିରେ ଲୋକେ ବିବାହରେ ଲେମ୍ବୁକୁ ଉପହାର ଭାବରେ ଦେଉଛନ୍ତି । ଗୁଜୁରାଟ ରାଜକୋଟର ଧୋରାଜୀ ସହରର ଏଭଳି ଏକ ଘଟଣା ସାମ୍ନାକୁ ଆସିଛି । ଏକ ବିବାହ ଉତ୍ସବରେ ଆସିଥିବା ଅତିଥି ବରକୁ ଲେମ୍ବୁ ଉପହାର କରିଥିଲେ ।

ଜୀବନର ସବୁଠାରୁ ବିଶେଷ ଦିନରେ ବରକୁ ଲେମ୍ବୁ ଉପହାର ଦେଇଥିବା ବ୍ୟକ୍ତିଙ୍କ ନାମ ହେଉଛି ଦୀନେଶ । ଦୀନେଶଙ୍କ କହିବା ଅନୁଯାୟୀ, 'ଏହି ସମୟରେ ସମଗ୍ର ଭାରତରେ ଲେମ୍ବୁର ଦର ଦୃତ ଗତିରେ ବଢ଼ିଚାଲିଛି । ପୁଣି ଗ୍ରୀଷ୍ମ ଋତୁରେ ଲେମ୍ବୁର ଆବଶ୍ୟକତା ଅଧିକ ପଡ଼ିଥାଏ । ତେଣୁ ଏଭିଳି କିଛି ଭିନ୍ନ ଉପହାର ଦେବାକୁ ନିଷ୍ପତ୍ତି କଲି'। ବିବାହ ଉତ୍ସବରେ ବରର ବନ୍ଧୁମାନେ ଏକ ପ୍ୟାକେଟରେ ଲେମ୍ବୁ ଭର୍ତ୍ତି କରି ଦେଇଛନ୍ତି। ଏହି ବିଶେଷ ଉପହାରକୁ ଦେଖି ବିବାହରେ ଆସିଥିବା ଅତିଥିମାନେ ଖୁବ ଖୁସି ହୋଇଥିଲେ । ଖରାଦିନରେ ଲେମ୍ବୁର ଏହେତୁକ ଦର ବୃଦ୍ଧି ସଭିଙ୍କ ପାଇଁ ଚିନ୍ତାର ବିଷୟ ପାଲଟିଛି । ବିଭିନ୍ନ ରାଜ୍ୟରେ କିଲୋ ପିଛା 200ରୁ ଅଧିକ ହୋଇଥିବାବେଳେ ଲେମ୍ବୁ ଗୋଟାକୁ 10ରୁ 15ଟଙ୍କା ରହିଛି ।

@ANI