ବିକାଶ ଦୁବେ ଏନକାଉଣ୍ଟର: SIT ରିପୋର୍ଟରେ 50 ପୋଲିସ କର୍ମଚାରୀଙ୍କ ନାଁ

କାନପୁର ବିକରୁ ଦୁର୍ନୀତିରେ ଏସଆଇଟି ଏହାର ରିପୋର୍ଟ ଦାଖଲ କରିଛି । ଅଧିକ ପଢନ୍ତୁ...

ଲକ୍ଷ୍ନୌ: କାନପୁର ବିକରୁ ଦୁର୍ନୀତିରେ ଏସଆଇଟି ଏହାର ରିପୋର୍ଟ ଦାଖଲ କରିଛି । ଏସଆଇଟି 3200 ପୃଷ୍ଠାରେ ରିପୋର୍ଟ ଦାଖଲ କରିଛି । ଏଥିରେ 700 ପୃଷ୍ଠାରେ କେବଳ ପୋଲିସ ଓ ଅପରାଧୀଙ୍କ ମଧୁଚନ୍ଦ୍ରିକା ବିଷୟରେ ଉଲ୍ଲେଖ ରହିଛି । ଅନୁସନ୍ଧାନ ରିପୋର୍ଟରେ ମୋଟ 80 ଜଣ ଦୋଷୀ ସାବ୍ୟସ୍ତ ହୋଇଥିଲେ । ଅଭିଯୁକ୍ତଙ୍କ ମଧ୍ୟରେ 50 ଜଣ ପୋଲିସ ଅଛନ୍ତି, ଯାହାଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ସୁପାରିଶ କରାଯାଉଛି ।

ସୂଚନାନୁଯାୟୀ, ଏହି ରିପୋର୍ଟ ଆଧାରରେ ସରକାର ଅଭିଯୁକ୍ତଙ୍କୁ ବରଖାସ୍ତ କରିବାକୁ ନିଷ୍ପତ୍ତି ନେଇପାରନ୍ତି । ରିପୋର୍ଟରେ କୁହାଯାଇଛି ଯେ ଷ୍ଟେସନରେ ଚାଲିଥିବା ପ୍ରତ୍ୟେକ କାର୍ଯ୍ୟକଳାପ ବିଷୟରେ ବିକାଶ ଦୁବେକୁ ପୋଲିସ ଅବଗତ କରାଉଥିଲେ । ବିକାଶ ଦୁବେ ପୋଲିସର ସୂଚନାକୁ ଆଧାର କରି ଲୋକଙ୍କୁ ଏକାଠି କରି ରଖିଥିଲା । ଏହି କାରଣରୁ ଦୁର୍ଭାଗ୍ୟବଶତଃ 8 ଜଣ ପୋଲିସ କର୍ମଚାରୀଙ୍କ ଜୀବନ ଚାଲିଗଲା ।

ଏସଆଇଟି ନିଜ ଅନୁସନ୍ଧାନରେ ପ୍ରାୟ 100 ଜଣଙ୍କୁ ସାମିଲ୍ କରିଛନ୍ତି । ଏଥିରେ ପୋଲିସ କର୍ମଚାରୀ, ବିକରୁ ଗାଁର ଲୋକ, କାନପୁରର ପୋଲିସ କର୍ମଚାରୀ ଏବଂ ବ୍ୟବସାୟୀ ସାମିଲ ଅଛନ୍ତି । ଏମାନଙ୍କ ମଧ୍ୟରୁ ଅନେକ ଦୀର୍ଘ ବର୍ଷ ଧରି ବିକାଶ ଦୁବେର ସମ୍ପର୍କରେ ରହିଆସିଥିଲେ ।