ନୂଆଦିଲ୍ଲୀ: ସମାଜବାଦୀ ପାର୍ଟି (SP) ମୁଖ୍ୟ ଅଖିଳେଶ ଯାଦବଙ୍କ ହେଲିକପ୍ଟର ଉଡିବା ହେଲା ବିଳମ୍ବ । ଏହାକୁ ନେଇ ବିଜେପି ଉପରେ ଜୋରଦାର ବର୍ଷିଛନ୍ତି ଅଖିଳେଶ ଯାଦବ। ଉତ୍ତର ପ୍ରଦେଶରେ ସମାଜବାଦୀ ପାର୍ଟି (SP)ର ଲୋକପ୍ରିୟତାକୁ ଦେଖି ବିଜେପି ଭୟ କରୁଛି । ଷଡଯନ୍ତ୍ର କରି ପ୍ରଚାରକୁ ରୋକିବା ପାଇଁ ବିଜେପି ଏଭଳି ବାହାନା କରୁଥିବା ଅଭିଯୋଗ କରିଛନ୍ତି ଅଖିଳେଶ ଯାଦବ ।
ଉତ୍ତର ପ୍ରଦେଶ ବିଧାନସଭା ନିର୍ବାଚନ ନେଇ ଚାଲିଛି ଜୋରଦାର ପ୍ରଚାର ପ୍ରସାର। ଉଭୟ ବିଜେପି ଓ ସମାଜବାଦୀ ପାର୍ଟି ବର୍ତ୍ତମାନ ରାଜ୍ୟର ବିଭିନ୍ନ ଅଞ୍ଚଳରେ ଚଳାଇଛନ୍ତି ଦଳୀୟ ପ୍ରଚାର । ଶୁକ୍ରବାର ଦିଲ୍ଲୀ ବିମାନବନ୍ଦରରୁ ଅଖିଳେଶ ଯାଦବଙ୍କ ହେଲିକପ୍ଟରକୁ ମୁଜାଫରନଗରକୁ ଉଡିବା ପାଇଁ ଦିଆଯାଇନଥିଲା। ବିନା କୌଣସି କାରଣରେ ହେଲିକପ୍ଟର ଅଟକାଇ ଦିଆଯାଇଥିବା ଅଖିଳେଶ ଯାଦବ ଟ୍ବିଟ କରିଛନ୍ତି ।
କିନ୍ତୁ ସେହି ସମୟରେ ବିଜେପିର ଜଣେ ଶୀର୍ଷସ୍ତରୀୟ ନେତାଙ୍କ ହେଲିକପ୍ଟର ଉଡିବାକୁ ଅନୁମତି ଦିଆଯାଉଛି। ତେବେ ଉତ୍ତରପ୍ରଦେଶରେ ବିଜେପି ପରାଜୟକୁ ଦେଖି ଏ ଭଳି ଷଡଯନ୍ତ୍ର କରୁଛନ୍ତି ବୋଲି ଅଖିଳେଶ ଯାଦବ କହିଛନ୍ତି। ସେପଟେ ଏହାକୁ ନେଇ ଭାରତ ସରକାରଙ୍କ ବିମାନ ଚଳାଚଳ ବିଭାଗ ପକ୍ଷରୁ ଖଣ୍ଡନ କରାଯାଇଛି। ବାଣିଜ୍ୟକ ବିମାନ ସେବାକୁ ସର୍ବଦା ପ୍ରାଧାନ୍ୟ ଦିଆଯାଉଛି । ଅଖିଳେଶ ଯାଦବଙ୍କ ଚପର ଟ୍ରାଫିକ ଓ ତେଲ ସମସ୍ୟା ଯୋଗୁଁ ବିଳମ୍ବ ହୋଇଛି। ଟ୍ରାଫିକ ଓ ତେଲ ସମସ୍ୟା ସମାଧାନ ହେବା ପରେ ତୁରନ୍ତ ଚପରକୁ ଉଡିବାକୁ ଅନୁମତି ଦିଆଯାଇଛି ବୋଲି ଦିଲ୍ଲୀ ଏୟାରପୋର୍ଟ ଅଧିକାରୀ କହିଛନ୍ତି ।
ଉତ୍ତର ପ୍ରଦେଶ ବିଧାନସଭା ନିର୍ବାଚନ ନେଇ ଜୋରଦାର ଚାଲିଛି ପ୍ରଚାର। ଅଖିଳେଶ ଯାଦବ ମୈନପୁରୀ ଜିଲ୍ଲାର କୋରହଲ ଆସନରୁ ବିଧାସନଭା ନିର୍ବାଚନ ଲଢୁଛନ୍ତି। ଆସନ୍ତା ଫେବୃୟାରୀ ୧୦ ରୁ ମାର୍ଚ୍ଚ ୭ ପର୍ଯ୍ୟନ୍ତ ସାତଟି ପର୍ଯ୍ୟାୟରେ ଅନୁଷ୍ଠିତ ହେବ ବିଧାନସଭା ନିର୍ବାଚନ। ଏହା ପରେ ମାର୍ଚ୍ଚ ୧୦ରେ ଘୋଷଣା ହେବ ଫଳାଫଳ । ନିର୍ବାଚନକୁ କୋରୋନା କଟକଣା ମଧ୍ୟରେ କରିବା ପାଇଁ କଡା ନିର୍ଦ୍ଦେଶ ଜାରି କରିଛନ୍ତି ନିର୍ବାଚନ କମିଶନ।
@ANI
