ଡେରାଡୁନ: ଉତ୍ତରାଖଣ୍ଡଉତ୍ତରକାଶୀ ୟମୁନେତ୍ରୀରେ ଗତକାଲିଠୁ(ରବିବାର) ଟନେଲ ଭୁଶୁଡିବା ଫଳରେ ପ୍ରାୟ 40ଜଣ ଶ୍ରମିକ ଫସି ରହିଛନ୍ତି । ଯୁଦ୍ଧକାଳୀନ ଭିତ୍ତିରେ ରାତି ତମାମ ଉଦ୍ଧାରକାର୍ଯ୍ୟ ଜାରି ରହିଛି । ଟନେଲ ତଳେ ଚାପି ହୋଇଥିବା ଶ୍ରମିକଙ୍କ ସହ କଥା ହୋଇଛନ୍ତି ଉଦ୍ଧାରକାରୀ ଦଳ । ଶ୍ରମିକଙ୍କ ପାଖକୁ ପାଇପ ଯୋଗେ ଖାଦ୍ୟ ଓ ଅମ୍ଳଜାନ ପଠାଯାଉଛି । ଟନେଲ ଭିତରେ ଭୁସ୍ଖଳନ ହେବା ସହ ଭୀଷଣ ଗରମ ହେଉଥିବା ଓ ନିଶ୍ବାସ ନେବାର କଷ୍ଟକର ହେଉଥିବା କହିଛନ୍ତି ଫସିଥିବା ଶ୍ରମିକ । ଏବେ ସୁଦ୍ଧା 205 ମିଟର ଯାଏ ଖୋଳା ଯାଇଛି । ଶ୍ରମିକମାନେ 270 ମିଟରରେ ଫସି ରହିଛନ୍ତି । ଉଦ୍ଧାରକାର୍ଯ୍ୟରେ ଏନଡିଆରଏଫ, ଏସଡିଆରଏଫ, ଆଇଟିବିପି ଓ ବିଆରଓ ଯବାନ ନିୟୋଜିତ ଅଛନ୍ତି ।
ଉଦ୍ଧାରକାର୍ଯ୍ୟରେ ନିୟୋଜିତ ଥିବା ଜଣେ ଯବାନ ରଣବୀର ସିଂହ ଚୌହାନ କହିଛନ୍ତି, "ଉଦ୍ଧାରକାର୍ଯ୍ୟ ବହୁତ ସ୍ପିଡରେ ଚାଲିଛି । ସମସ୍ତେ କଠିନ ପରିଶ୍ରମ କରୁଛୁ । ଆମ ସହିତ ପ୍ରଶାସନ ମଧ୍ୟ ରହିଛନ୍ତି । ଗତକାଲି ତାଙ୍କ ସହ ଯୋଗାଯୋଗ ହୋଇ ପାରିନଥିଲା । ରାତି 11ଟାରେ ଫସି ଥିବା ଶ୍ରମିକଙ୍କ ସହିତ କଥା ହୋଇଥିଲୁ । ସେମାନେ କହିଲେ ଖାଦ୍ୟ ସାମଗ୍ରୀ ନୁହେଁ ଆମକୁ ପବନ ଦରକାର ଏଠାରେ ଭୀଷଣ ଗରମ ହେଉଛି । ଆମକୁ ସୁରକ୍ଷିତ ଦେଖିବାକୁ ଚାହୁଁଥିଲେ ପବନ କିପରି ଆସିବ ତାର ବ୍ୟବସ୍ଥା କରନ୍ତୁ ବୋଲି କହିଥିଲେ । ଭିତରେ ଭୁସ୍ଖଳ ମଧ୍ୟ ହେଉଛି । ସେମାନେ 270 ମିଟର ତଳେ ରହିଛନ୍ତି 205 ମିଟର ଖୋଳା ସରିଛି ଆହରୁ 60 ମିଟର ବାକି ରହିଛି । ଭଗବାନ କରନ୍ତୁ ସମସ୍ତେ ସୁରକ୍ଷିତ ରୁହନ୍ତୁ ।''
ଏହା ବି ପଢନ୍ତୁ...Tunnel collapse: 40 ଶ୍ରମିକ ଫସିଥିବା ଆଶଙ୍କା, ଉଦ୍ଧାର ଅପରେସନ ଜାରି