ରାଜରାସ୍ତାରେ ଧାରଣାରେ ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହରିଶ ରାଓ୍ୱତ, ଜାଣନ୍ତୁ କାରଣ

ରାଜରାସ୍ତାର ଦୟନୀୟ ସ୍ଥିତି ଦେଖି ରାସ୍ତା ମଝିରେ ଧାରଣା ଦେଲେ ବରିଷ୍ଠ କଂଗ୍ରେସ ନେତା ହରିଶ ରାଓ୍ବତ । ଅଧିକ ପଢନ୍ତୁ

ଡେରାଡୁନ: ରାଜରାସ୍ତାରେ ଧାରଣାରେ ବସିଲେ ବରିଷ୍ଠ କଂଗ୍ରେସ ନେତା ତଥା ପୂର୍ବତନ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ହରିଶ ରାଓ୍ବତ । ଏକ ନିର୍ବାଚନୀ କାର୍ଯ୍ୟକ୍ରମରେ ଯିବା ବେଳେ ରାଜପଥର ଦୟନୀୟ ଅବସ୍ଥା ନେଇ କ୍ଷୋଭପ୍ରକାଶ କରିବା ସହ ହଲଦଓ୍ବାନୀ ନିକଟରେ ସେ ଏହି ଧାରଣାରେ ବସିଥିବା ଦେଖିବାକୁ ମିଳିଛି । ପ୍ରବଳ ଖରାରେ ମଝି ରାଜପଥରେ ରାଓ୍ବାତ ଧାରଣାରେ ବସିଥିବା ଭିଡିଓ ଏବେ ଭାଇରାଲ ହେବାରେ ଲାଗିଛି ।

ଚମ୍ବାଓ୍ବତ ନିର୍ବାଚନ ମଣ୍ଡଳୀରେ ଉପନିର୍ବାଚନ ପ୍ରଚାର ପାଇଁ ରାଓ୍ବତ ଯାଇଥିବା ବେଳେ ଜାତୀୟ ରାଜପଥର ଏପରି ଦୟନୀୟ ଅବସ୍ଥା ଦେଖି କ୍ଷୋଭ ପ୍ରକାଶ କରିବା ସହ ସେହିଠାରେ ହିଁ ଧାରଣାରେ ବସିଥିଲେ । ରାଓ୍ବତ କହିଛନ୍ତି, ଲୋକଙ୍କୁ ସମସ୍ୟା ହେବା ପୂର୍ବରୁ ରାସ୍ତା ମରାମତି କରିବା ପାଇଁ ସେ ଦାବି କରିଥିଲେ ସୁଦ୍ଧା ସମସ୍ୟାର ସାମାଧାନ ହେଲା ନାହିଁ । ତେଣୁ ସେ ଏହି ଧାରଣାରେ ବସିବାକୁ ବାଧ୍ୟ ହୋଇଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ