କୋଲକାତା:ପଶ୍ଚିମବଙ୍ଗ ପୋଲିସ ପାକିସ୍ତାନର ଗୁଇନ୍ଦା ସଂସ୍ଥା ଆଇଏସଆଇ (ISI)ର ଜଣେ ଏଜେଣ୍ଟ ମହମ୍ମଦ ସାକିଲ ଓରଫ ଗୁଡୁକୁ ଗିରଫ କରିଛି । ଗୁଡୁ ରାଜ୍ୟରେ ଏକ ଟୋଟୋ ଡ୍ରାଇଭର ଭାବେ ରହି ସଂସ୍ଥାକୁ ବିଭିନ୍ନ ଗୁରୁତ୍ବପୂର୍ଣ୍ଣ ତଥ୍ୟ ଦେଉଥିଲା । ଏହି ଏଜେଣ୍ଟକୁ ଗିରଫ କରିବା ପରେ ସିଲିଗୁଡିରେ ଅନ୍ୟ ଗୁଇନ୍ଦା ସଂସ୍ଥାର ଏଜେଣ୍ଟ ଲୁଚି ରହିଥିବା ନେଇ ସତର୍କ କରାଇଛି କେନ୍ଦ୍ର ଗୃହ ମନ୍ତ୍ରଣାଳୟ (Union Home Ministry alerted state about ISI agents) । ଏହାପରେ ରାଜ୍ୟ ପୋଲିସ ସତର୍କ ରହିବା ସହ ବିଭିନ୍ନ ସ୍ଥାନରେ ସର୍ଚ୍ଚ ଅପରେସନ ଆରମ୍ଭ କରିଛି(ISI agents presence in Siliguri)।
ବୁଧବାର ଗୁଡୁକୁ ପଶ୍ଚିମବଙ୍ଗ ପୋଲିସର ସ୍ପେଶାଲ ଟାସ୍କ ଫୋର୍ସ (STF) ସନ୍ଦିଗ୍ଧ ଭାବେ ଗିରଫ କରିଥିଲା । ପୋଲିସର କହିବାନୁସାରେ ତାକୁ ପଚରାଉଚୁରା ସମୟରେ ଅନେକ ତଥ୍ୟ ସାମନାକୁ ଆସିଛି । ଗୁଡୁ ସହରର ବିଭିନ୍ନ ଗଳିକନ୍ଦି ଉପରେ ନଜର ରଖୁଥିଲା । ଏହାସହିତ ସିଲିଗୁଡ଼ିରେ ଥିବା ଆନ୍ତଃରାଜ୍ୟ ଓ ଅନ୍ତର୍ଜାତୀୟ ସୀମା ଉପରେ ମଧ୍ୟ ନଜର ରଖୁଥିଲା । କିପରି ସୀମାକୁ ପାର କରାଯାଇପାରିବ ଓ ସହରରେ କେଉଁ କେଉଁ ସ୍ଥାନରେ ଆର୍ମି କ୍ୟାମ୍ପ ରହିଛି ସେ ନେଇ ମଧ୍ୟ ତଥ୍ୟ ସଂଗ୍ରହ କରୁଥିଲା ଗୁଡୁ । ଏସଟିଏଫ ତଦନ୍ତ କରିବା ବେଳେ ଏଭଳି ଗୁରୁତ୍ବପୂର୍ଣ୍ଣ ସୂଚନା ମିଳିଛି ।
ଏହା ବି ପଢନ୍ତୁ- Shraddha murder case: ଜାମିନ ଆବେଦନ ଫେରାଇ ନେଲା ଅଫତାବ
ମିଳିଥିବା ସୂଚନା ଅନୁସାରେ ଅଭିଯୁକ୍ତ ଜଣକ ଟୋଟୋ ଡ୍ରାଇଭର ଭାବେ ସହରର ଗଳିକନ୍ଦି ସହଜରେ ଭ୍ରମଣ କରିପାରୁଥିଲା । ଫଳରେ ସହଜରେ ତା' ଉପରେ କେହି ସନ୍ଦେହ କରିପାରିବେ ନାହିଁ । ସେପଟେ ଭାରତୀୟ ଯବାନଙ୍କଠୁ ସୂଚନା ପାଇବା ପରେ ଆଇଏସଆଇ ଏଜେଣ୍ଟମାନେ ସହରରେ ରହିଥିବା ନେଇ କେନ୍ଦ୍ର ଗୃହ ମନ୍ତ୍ରଣାଳୟ ମଧ୍ୟ ରାଜ୍ୟକୁ ସୂଚିତ କରିଛି । ଏହାସହିତ ଆଲର୍ଟ ରହିବା ନେଇ ମଧ୍ୟ କହିଛି । ଗିରଫ ହେବା ପରେ ଅଭିଯୁକ୍ତ ଗୁଡୁଠାରୁ ପୋଲିସ ଅନେକ ମ୍ୟାପ୍ ଓ ଡକ୍ୟୁମେଣ୍ଟକୁ ଜବତ କରିଛି । ତେବେ ଏହି ମ୍ୟାପଗୁଡିକ କେଉଁ କାର୍ଯ୍ୟ ଲାଗି ବ୍ୟବହାର ହେଉଥିଲା ସେ ନେଇ ପୋଲିସ ଅପରେସନ ଆରମ୍ଭ କରିଛି ।
ସେପଟେ ଅଭିଯୁକ୍ତ ରହୁଥିବା ଘର ମାଲିକ ସଞ୍ଜୟ କୁମାର ସୁଶୀଲ କହିଛନ୍ତି ଯେ ଗୁଡୁର ସମସ୍ତ ଡକ୍ୟୁମେଣ୍ଟ ଯାଞ୍ଚ କରିବା ପରେ ସେ ତାକୁ ଘରେ ରହିବା ଲାଗି ଅନୁମତି ଦେଇଥିଲେ । ଗୁଡୁ ବିଜ୍ଞାନରେ ଗ୍ରାଜୁଏଟ ଥିବାରୁ ନିଜ ପିଲାକୁ ମଧ୍ୟ ପାଠ ପଢାଇବା ଲାଗି ସେ କହିଥିଲେ । ମାତ୍ର ଗୁଡ଼ୁକୁ ଘର ଭଡ଼ାରେ ମିଳିବା ପରେ ତା ନିକଟକୁ କେହି ଆସିନାହାନ୍ତି । ଏହାସହିତ ଗୁଡ଼ୁ କାହା ସହିତ ଅଧିକ କଥାବାର୍ତ୍ତା କରେ ନାହିଁ । ଏ ନେଇ ଉଭୟ ଘର ମାଲିକ ଓ ପଡ଼ୋଶୀ ସୂଚନା ଦେଇଛନ୍ତି । ଗୁଡ଼ୁ ସିଲିଗୁଡ଼ିରେ ଏକାଧିକ ମାର୍କେଟର ବୁଲୁଥିଲା ବୋଲି ଏ ନେଇ ଉତ୍ତର ବଙ୍ଗ ଏସଟିଏଫ ଡିଏସପି ସୁଦୀପ ଭଟ୍ଟାଚାର୍ଯ୍ୟ କହିଛନ୍ତି ।
