Maharastra Politics: ସିନ୍ଧେ ଗୋଷ୍ଠୀରେ ସାମିଲ ହେଲେ ଉଦ୍ଧବ ଠାକରେଙ୍କ ପୁତୁରା

ଏକନାଥ ସିନ୍ଧେଙ୍କୁ ସମର୍ଥନ ଜଣାଇଲେ ଉଦ୍ଧବ ଠାକରେଙ୍କ ପୁତୁରା ନିହାର ଠାକରେ । ଅଧିକ ପଢନ୍ତୁ

ମୁମ୍ବାଇ: ଉଦ୍ଧବ ଠାକରେଙ୍କୁ ପୁଣି ଝଟକା । ସିନ୍ଧେ ଗୋଷ୍ଠୀରେ ସାମିଲ ହେଲେ ଉଦ୍ଧବଙ୍କ ପୁତୁରା ନିହାର ଠାକରେ(Nihar Thackeray) । ଶୁକ୍ରବାର ଦିନ ନିହାର ଠାକରେ ମୁଖ୍ୟମନ୍ତ୍ରୀ ଏକନାଥ ସିନ୍ଧେଙ୍କୁ ଭେଟି ତାଙ୍କୁ ନିଜର ସମର୍ଥନ ଦେଇଛନ୍ତି । ଏହି ସାକ୍ଷାତକାର ପରେ ଏଣିକି ସେ ମୁଖ୍ୟମନ୍ତ୍ରୀ ସିନ୍ଧେଙ୍କ ନେତୃତ୍ବରେ ନିଜର ରାଜନୈତିକ ଯାତ୍ରା ଆରମ୍ଭ କରିବେ ବୋଲି ସିନ୍ଧେଙ୍କ କାର୍ଯ୍ୟାଳୟ ପକ୍ଷରୁ ଜାରି ବିବୃତ୍ତିରେ କୁହାଯାଇଛି । କହିରଖୁଛୁ କି, ନିହାର ଠାକରେ ଶିବସେନା ପ୍ରତିଷ୍ଠାତା ବାଲ୍ ଠାକରେଙ୍କ ନାତି ତଥା ବିନ୍ଦୁମାଧବ ଠାକରେଙ୍କ ପୁଅ ଅଟନ୍ତି । ଏହାସହିତ ସେ ବିଜେପି ନେତା ତଥା ପୂର୍ବତନ ମନ୍ତ୍ରୀ ହର୍ଷବର୍ଦ୍ଧନ ପାଟିଲଙ୍କ ଝିଅ ସହ ବିବାହ କରିଛନ୍ତି ।

ଗତମାସରେ ଶିବସେନାରେ ବିଦ୍ରୋହ ପରେ ଉଦ୍ଧବ ଠାକରେ ନିଜର ମୁଖ୍ୟମନ୍ତ୍ରୀ ପଦ ହରାଇଥିଲେ । ଜୁନ ୩୦ ତାରିଖରେ ବିଦ୍ରୋହୀ ସେନାର ମୁଖ୍ୟ ନାୟକ ଏକନାଥ ସିନ୍ଧେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ।