ଦୁଇ ନାବାଳିକାଙ୍କୁ ଗଣଦୁଷ୍କର୍ମ, ବନ୍ଧା ହେଲେ 8 ଅଭିଯୁକ୍ତ

ଦୁଇ ଜଣ ନାବାଳିକାଙ୍କୁ ଗଣଦୁଷ୍କର୍ମ କରାଯାଇଥିବା ଅଭିଯୋଗ । ଏଭଳି ଘଟଣା ଦେଖିବାକୁ ମିଳିଛି ତ୍ରିପୁରାର ଖୋଓ୍ବାଇ ଜିଲ୍ଲାରେ । 8 ଅଭିଯୁକ୍ତ ଗିରଫ । ଅଧିକ ପଢନ୍ତୁ...

ଅଗରତଲା: ପୁଣି ଲଜ୍ଜା । ନରରୂପୀ ପିଶାଚର ସୀମା ଲଙ୍ଘିଛି ଅତ୍ୟାଚାର । ଦୁଇ ଜଣ ନାବାଳିକାଙ୍କୁ ଗଣ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଏଭଳି ଘଟଣା ଦେଖିବାକୁ ମିଳିଛି ତ୍ରିପୁରାର ଖୋଓ୍ବାଇ ଜିଲ୍ଲାରେ । ଘଟଣାରେ ସମ୍ପୃକ୍ତ ଥିବା 8 ଅଭିଯୁକ୍ତଙ୍କୁ ଗିରଫ କରାଯାଇଛି । ପୋଲିସ ପୋକ୍ସୋ ଆଇନରେ ମାମଲା ରୁଜୁ କରି ତଦନ୍ତ ଜାରି ରଖିଛି ।

ସୂଚନା ଅନୁସାରେ, ଖୋଓ୍ବାଇ ଜିଲ୍ଲାର କାଟିଆବାରି ଅଞ୍ଚଳରେ ରହୁଥିବା ଦୁଇ ଜଣ ନାବାଳିକା ନିଜ ପୁରୁଷ ବନ୍ଧୁଙ୍କ ସହ ବାଇକରେ ସଂନ୍ଧ୍ୟା ସମୟରେ ବୁଲିବାକୁ ଯାଇଥିଲେ । ଦୁଇ ଯୁବକ 2 ଜଣ ନାବାଳିକାଙ୍କୁ ଜଙ୍ଗଲ ମଧ୍ୟକୁ ଯାଇଥିଲେ । ସେଠାରେ ଯୁବକଙ୍କ ଅନ୍ୟ ସାଙ୍ଗମାନେ ଆସି ପହଞ୍ଚିଥିଲେ । ପରେ 2 ନାବାଳିକାଙ୍କ ସହ ଦୁଷ୍କର୍ମ କରିଥିଲେ । କୌଶଳ କ୍ରମେ ନାବାଳିକା ଖସି ଯାଇ ନିଜ ଘର ଲୋକଙ୍କୁ ଫୋନ ଯୋଗେ ଯୋଗାଯୋଗ କରିଥିଲେ । ପରେ ଘଟଣାସ୍ଥଳରେ ପୋଲିସ ପହଞ୍ଚି ପୀଡିତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲା । ପରେ ଜଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ଅଗରତାଲାର ଏକ ମେଡିକାଲକୁ ସ୍ଥାନାନ୍ତର କରାଯାଇଥିଲା । ତେବେ, ଉଭୟଙ୍କ ସ୍ବାସ୍ଥ୍ୟବସ୍ଥା ଭଲ ନ ଥିବା ସୂଚନା ମିଳିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ