ମୁମ୍ବାଇ:ଟେଲି ଅଭିନେତ୍ରୀ ତୁନିଷା ଶର୍ମା ମୃତ୍ୟୁ ଘଟଣା (Tele Actress Tunisha Sharma Death Case) । ଆସନ୍ତା ଡିସେମ୍ବର ୨୮ ତାରିଖ ପର୍ଯ୍ୟନ୍ତ ଅଭିନେତ୍ରୀଙ୍କ ବଏଫ୍ରେଣ୍ଡ ତଥା କୋ-ଷ୍ଟାର ଶିଜାନ ଖାନ (Costar Sheezan Khan)ଙ୍କୁ ପୋଲିସ ହେପାଜତକୁ ଆଣି ପଚରାଉଚରା କରୁଛି । ସବୁଠୁ ଆଶ୍ଚର୍ଯ୍ୟକର ଘଟଣା ହେଉଛି ବହୁଚର୍ଚ୍ଚିତ ଶ୍ରଦ୍ଧା ୱାକର ହତ୍ୟାକାଣ୍ଡକୁ ନେଇ ଉଭୟଙ୍କ ମଧ୍ୟରେ ବ୍ରେକ୍ଅପ୍ ହୋଇଛି । ଏହି ଘଟଣାରେ ଅଭିନେତ୍ରୀଙ୍କ ମାଆଙ୍କ ଅଭିଯୋଗ ଆଧାରରେ ପୋଲିସ ଶିଜାନଙ୍କୁ ଗିରଫ କରିବା ସହିତ ତଦନ୍ତ ଜାରି ରଖିଛି ।
ଶ୍ରଦ୍ଧା ୱାକର ହତ୍ୟାକାଣ୍ଡ ଯୋଗୁଁ ବ୍ରେକ୍ଅପ୍
ଅଭିଯୁକ୍ତ ଶିଜାନ ପୋଲିସକୁ ଦେଇଥିବା ସୂଚନା ଅନୁସାରେ ଦିଲ୍ଲୀର ବହୁଚର୍ଚ୍ଚିତ ଶ୍ରଦ୍ଧା ୱାକର ହତ୍ୟାକାଣ୍ଡକୁ ନେଇ ସେ ଚିନ୍ତାରେ ଥିଲେ । ଏହାପରେ ସେ ତୁନିଷା ସହିତ ବ୍ରେକ୍ଅପ୍ ନେଇ କହିଥିଲେ । ଶିଜାନ ମୁସଲିମ ହୋଇଥିବା ବେଳେ ତୁନିଷା ହିନ୍ଦୁ । ଆଗକୁ ଉଭୟଙ୍କ ବିବାହ ଲାଗି କିଛି ସମସ୍ୟା ଉପୁଜିବା ଆଶଙ୍କା କରି ସେ ବ୍ରେକ୍ଅପ୍ ପାଇଁ କହିଥିଲେ । ଏହାପରେ ତୁନିଷା ଡିପ୍ରେସନକୁ ଚାଲିଯିବା ସହ ଆତ୍ମହତ୍ୟା କରିବା ଲାଗି କହୁଥିବା କହିଛନ୍ତି ଶିଜାନ । ତୁନିଷା ପୂର୍ବରୁ ମଧ୍ୟ ଆତ୍ମହତ୍ୟା କରିବାକୁ ଅନେକ ଥର ଉଦ୍ୟମ କରିଥିଲେ । ମାତ୍ର ଶିଜାନ ତାଙ୍କୁ ଅଟକାଇଥିବା ସେ ପୋଲିସକୁ କହିଛନ୍ତି ।
ଏହା ବି ପଢନ୍ତୁ- Tunisha Sharma Death Case: ଆସିଲା ବ୍ୟବଚ୍ଛେଦ ରିପୋର୍ଟ
ସୂଚନା ଥାଉ କି ତୁନିଷା (୨୧) କୋ-ଷ୍ଟାର ଶିଜାନ ଖାନ (୨୭)ଙ୍କ ମଧ୍ୟରେ ଗତ ୩ ମାସରୁ ଅଧିକ ସମୟ ଧରି ପ୍ରେମ ସମ୍ପର୍କ ରହିଥିଲା । ଗତ ଶନିବାର ସୁଟିଂ ସେଟ୍ରୁ ଝୁଲନ୍ତା ଅବସ୍ଥାରେ ତୁନିଷାଙ୍କ ମୃତଦେହ ଉଦ୍ଧାର ହୋଇଥିଲା । ଏହି ଘଟଣାରେ ତାଙ୍କ ସହ କଳାକାର ଶିଜାନ ଖାନ (Costar Sheezan Khan arrested)ଙ୍କୁ ପୋଲିସ ଗିରଫ କରିଥିଲା । IPC ଧାରା ସେକ୍ସନ ୩୦୬ ଆଧାରରେ ଶିଜାନଙ୍କ ବିରୋଧରେ ମାମଲା ରୁଜୁ କରାଯାଇଛି । ଶିଜାନଙ୍କୁ ୱାଲିଭ ପୋଲିସ ଷ୍ଟେସନ ଗିରଫ କରିଥିବା ବେଳେ ବସାଇ କୋର୍ଟରେ ତାଙ୍କୁ ହାଜର କରାଯାଇଥିଲା ।
ଏହା ବି ପଢନ୍ତୁ- Tunisha Postmortem Report: ଗର୍ଭବତୀ ଥିଲେ କି ତୁନିଷା, ସାମ୍ନାକୁ ଆସିଲା ସତ
ସେମାନେ ବ୍ରେକ୍ଅପ୍ କରିବା ପରେ ଉଭୟ ପରିବାରକୁ ମଧ୍ୟ ଏନେଇ ଜଣାଇଥିଲେ । ଏହାପରେ ସୁଟିଂ ସେଟ୍ରେ ମଧ୍ୟ ତୁନିଷା ଶିଜାନଙ୍କ ସହିତ ପୂର୍ବ ଭଳି ବ୍ୟବହାର କରୁଥିଲେ । କିନ୍ତୁ ତୁନିଷାଙ୍କ ମାଆଙ୍କ ଅଭିଯୋଗ ଅନୁସାରେ ବ୍ରେକ୍ଅପ୍ ଯୋଗୁଁ ଅଭିନେତ୍ରୀ ଆତ୍ମହତ୍ୟା କରିଥିବା ସେ କହିଛନ୍ତି । ପୋଲିସ ସମସ୍ତ ଦିଗକୁ ଦୃଷ୍ଟିରେ ରଖି ତଦନ୍ତ କରୁଛି । ସୋନୀ ସବ୍ ଚ୍ୟାନେଲର ସିରିଏଲ ଅଲିବାବା ଦାସ୍ତାନ ଏ କାବୁଲ (Ali Baba: Dastaan-E-Kabul)ର ପ୍ରମୁଖ ଅଭିନେତ୍ରୀ ତୁନିଷା ଶର୍ମା କାମ କରୁଥିବା ବେଳେ ତାଙ୍କ କୋ-ଷ୍ଟାର ଥିଲେ ଶିଜାନ । ଏହାବ୍ୟତୀତ ଭାରତର ବୀର ପୁତ୍ର ମହାରଣା ପ୍ରତାପ ଦ୍ବାରା ତୁନିଷା ଟିଭିରେ ଡେବ୍ୟୁ କରିଥିଲେ ।
ଏହା ପରେ ସେ ଆଉ ପଛକୁ ଫେରି ଚାହିଁ ନଥିଲେ । ୨୦ ବର୍ଷ ବୟସରେ ତୁନିଷା ଟିଭି ସିରିଏଲ ଜଗତରେ ବହୁତ ନାମ କମାଇଥିଲେ । ବହୁତ କମ ବୟସରୁ ସେ ତାଙ୍କ ଅଭିନୟର ଛାପ ବିଭିନ୍ନ ସିରିଏଲ ଏବଂ ଫିଲ୍ମରେ ଛାଡିଛନ୍ତି ।ତୁନିଷା ଶର୍ମା ଫିତୁର (Fitoor) ଏବଂ ବାର ବାର ଦେଖୋ(Bar Bar Dekho) ଭଳି ଫିଲ୍ମରେ କ୍ୟାଟ୍ରିନା କୈଫଙ୍କ ସହିତ ସ୍କ୍ରିନ ସେୟାର କରିଥିଲେ । ଏହି ସହିତ ସେ ବିଦ୍ୟାବାଲାନଙ୍କୁ ଫିଲ୍ମ କାହାନୀ-୨ରେ ମଧ୍ୟ ନଜର ଆସିଥିଲେ । ଇଣ୍ଟନନେଟ ୱାଲା ଲଭ, ଇସ୍କ ଶୁଭାନଲ୍ଲା, ଗାୟବ, ଶେର-ଏ-ପଞ୍ଜାବ ମହାରାଜା ରଣଜୀତ ସିଂହଙ୍କ ଭଳି ପପୁଲାର ଶୋ'ରେ ତାଙ୍କ ଅଭିନୟର ଛାପ ଛାଡିଛନ୍ତି ।
