ମଧ୍ୟପ୍ରଦେଶ ଶିବପୁରରେ ମର୍ମନ୍ତୁଦ ସଡ଼କ ଦୁର୍ଘଟଣା; ୧୦ ମୃତ, ଅନେକ ଆହତ

ଦିପାବଳୀର ଗୋଟିଏ ଦିନ ପୂର୍ବରୁ ମଧ୍ୟପ୍ରଦେଶ ଶିବପୁରରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା। ପିକ-ଅପ୍‌ ଭ୍ୟାନ ଓଲଟି ୧୦ ଜଣଙ୍କର ମୃତ୍ୟୁ ହୋଇଥିବା ବେଳେ 20ରୁ ଅଧିକ ଯାତ୍ରୀ ଆହତ ହୋଇଛନ୍ତି । ଅଧିକ ପଢନ୍ତୁ...

ଭୋପାଳ: ଦୀପାବଳିର ଗୋଟିଏ ଦିନ ପୂର୍ବରୁ ମଧ୍ୟପ୍ରଦେଶ ଶିବପୁରରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା । ଏକ ପିକ-ଅପ୍‌ ଭ୍ୟାନ ଓଲଟି ପଡିବାରୁ ଏଥିରେ ଯାତ୍ରା କରୁଥିବା ୧୦ ଜଣଙ୍କର ମୃତ୍ୟୁ ହୋଇଥିବା ବେଳେ 20 ଜଣ ଯାତ୍ରୀ ଆହତ ହୋଇଛନ୍ତି । ତେବେ ଆହତ ଲୋକଙ୍କୁ ଚିକିତ୍ସା ପାଇଁ ଡାକ୍ତରଖାନା ଅଣାଯାଇଛି ବୋଲି ଶିବପୁରୀ ଏସପି ରାଜେଶ ଚାନ୍ଦେଲ କହିଛନ୍ତି । ଏହି ଭୟଙ୍କର ସଡ଼କ ଦୁର୍ଘଟଣା ପୋହରୀ-କରାଇରା ରାସ୍ତାରେ ଘଟିଛି ।

ତେବେ ମୃତକଙ୍କ ପରିଚୟ ଏପର୍ଯ୍ୟନ୍ତ ମିଳିପାରି ନାହିଁ। ସୂଚନା ଅନୁସାରେ ପିକଅପ ଭ୍ୟାନ ଦ୍ରୁତବେଗରେ ଯାଉଥିବା ବେଳେ ସନ୍ତୁଳନ ହରାଇ ରାସ୍ତାମଝିରେ ଓଲଟି ପଡିଥିଲା। ସ୍ଥାନୀୟ ଲୋକେ ପହଞ୍ଚି ଦୁର୍ଘଟଣା ସ୍ଥଳରୁ ମୃତାହତ ଲୋକଙ୍କୁ ଉଦ୍ଧାର କରି ହସ୍ପିଟାଲ ପହଞ୍ଚାଇଛନ୍ତି। କୁହାଯାଉଛି ଯେ ପିକଅପରେ ଯାତ୍ରା କରୁଥିବା ଲୋକମାନେ ଏକ ଇଭେଣ୍ଟରେ ଯୋଗଦେବା ପରେ ଫେରୁଥିଲେ ।