ହାଇଦ୍ରାବାଦ: ବିଶ୍ବର ସର୍ବବୃହତ ଫିଲ୍ମସିଟି ରାମୋଜିରେ ଗୁରୁବାରଠୁ ଆରମ୍ଭ ହୋଇଛି ଶୀତକାଳୀନ ଉତ୍ସବ (Winter Fest in Ramoji) । ପ୍ରକୃତିର କୋଳରେ ଅବସ୍ଥିତ ଏହି ଫିଲ୍ମସିଟିରେ ୱିଣ୍ଟର ଫେଷ୍ଟରେ ସ୍ବତନ୍ତ୍ର ମନୋରଞ୍ଜନ କାର୍ଯ୍ୟକ୍ରମ (Special entertainment programmes in RFC)ର ଆୟୋଜନ କରାଯାଇଛି । ୱିଣ୍ଟର ଫେଷ୍ଟର ପ୍ରଥମ ଦିନରେ ପର୍ଯ୍ୟଟକଙ୍କ ପ୍ରବଳ ଭିଡ଼ ଦେଖିବାକୁ ମିଳିଥିଲା । ସବୁ ବର୍ଗର ପର୍ଯ୍ୟଟକ ଏହି ଉତ୍ସବକୁ ଉପଭୋଗ କରୁଥିବା ଦେଖିବାକୁ ମିଳିଛି ।
ଆସନ୍ତା ଜାନୁଆରୀ ୨୯ ତାରିଖ ପର୍ଯ୍ୟନ୍ତ ୱିଣ୍ଟର ଫେଷ୍ଟ ଚାଲିବ । ସକାଳ ୯ଟାରୁ ସନ୍ଧ୍ୟା ୧୦ଟା ପର୍ଯ୍ୟନ୍ତ ଫିଲ୍ମସିଟିରେ ଉତ୍ସବର ଆୟୋଜିତ ହେଉଥିବା ବେଳେ ପର୍ଯ୍ୟଟକଙ୍କ ମନୋରଞ୍ଜନ ପାଇଁ ଅନେକ ବ୍ୟବସ୍ଥା ରହିଛି । ଯେଉଁମାନେ ଏହି ମନୋରଞ୍ଜନ କାର୍ଯ୍ୟକ୍ରମକୁ ଉପଭୋଗ କରିବାକୁ ଚାହୁଁଛନ୍ତି ସେମାନେ ଉଭୟ ଅନଲାଇନ ଓ ଅଫଲାଇନରେ ହଲିଡେଜ୍ ପ୍ୟାକେଜ ବୁକ୍ କରିପାରିବେ । ଏହାସହିତ ପର୍ଯ୍ୟଟକଙ୍କୁ ଆହୁରି ମନୋରଞ୍ଜନ ଯୋଗାଇବା ଲାଗି ସନ୍ଧ୍ୟା ସମୟରେ କାର୍ଣ୍ଣିଭାଲ ପରେଡର ମଧ୍ୟ ଆୟୋଜନ କରାଯାଇଛି ।