ଶ୍ରୀନଗର:ଜମ୍ମୁ-କଶ୍ମୀର ପୋଲିସ(Jammu and Kashmir Police)କୁ ସଫଳତା । ଲସ୍କର-ଏ-ତୋଏବା(LeT)ର ୩ ଆତଙ୍କୀ(Three LeT Terrorists Arrested)ଙ୍କୁ ଗିରଫ କଲା ପୋଲିସ । ସୋପୋର ପୋଲିସର ମିଳିତ ଅପରେସନରେ ଏହି ସଫଳତା ପାଇଛି ପୋଲିସ । ଉତ୍ତର କାଶ୍ମୀରର ସୋପୋରରୁ ଆତଙ୍କୀଙ୍କୁ ଗିରଫ କରାଯାଇଥିବା ବେଳେ ସେମାନେ ହେଉଛନ୍ତି ଶାରିକ ଆଶ୍ରାଫ, ସାକଲେନ୍ ମୁଶ୍ଟକ୍ ଏବଂ ତଓ୍ବାଫିକ୍ ହାସନ ଶେଖ ବୋଲି ଜଣାପଡିଛି । ଏନେଇ ଜମ୍ମୁ କଶ୍ମୀର ପୋଲିସ ପକ୍ଷରୁ ସୂଚନା ପ୍ରଦାନ କରାଯାଇଛି ।
ଗୋରିପୁରାରୁ ବୋମାଇ ଅଭିମୁଖେ ଆସୁଥିବା ବେଳେ ଏହି ତିନି ଜଣଙ୍କ ଗତିବିଧିକୁ ସନ୍ଦେହ କରି ଯାଞ୍ଚ ପାଇଁ ପୋଲିସ ଅଟକାଇବାକୁ ଚେଷ୍ଟା କରିଥିଲା । କିନ୍ତୁ ସେମାନେ ଅଟକିବା ପରିବର୍ତ୍ତେ ଘଟଣାସ୍ଥଳରୁ ଖସିପଳାଇବା ପାଇଁ ଉଦ୍ୟମ କରିଥିଲେ । ଏହାପରେ ସୁରକ୍ଷା କର୍ମୀଙ୍କ ଦ୍ବାରା ତାଙ୍କୁ ଗିରଫ କରାଯାଇଥିବା ବେଳେ ସେମାନଙ୍କ ନିକଟରୁ ତିନୋଟି ଗ୍ରେନେଡ, ନଅଟି ପୋଷ୍ଟର ଏବଂ ୧୨ଟି ପାକିସ୍ତାନୀ ପତାକା ଜବତ କରାଯାଇଥିଲା ।
ଶୁକ୍ରବାର ସନ୍ଧ୍ୟାରେ ବୋମାଇ ପୋଲିସ ଷ୍ଟେସନ ଅଧୀନରେ ଥିବା ବୋମାଇ ଛକରେ ସୋପୋର ପୋଲିସ, 22 ଟି ରାଷ୍ଟ୍ରିୟ ରାଇଫଲ୍ସ (RR) ଏବଂ 179 ବିଏନ୍ ସେଣ୍ଟ୍ରାଲ ରିଜର୍ଭ ପୋଲିସ୍ ଫୋର୍ସ (CRPF)ର ମିଳିତ ଅପରେସନରେ ଆତଙ୍କୀଙ୍କୁ ଗିରଫ କରାଯାଇଥିଲା ।