ହାଇଦ୍ରାବାଦ: ତେଲେଙ୍ଗାନା ରଙ୍ଗାରେଡ୍ଡୀ ଜିଲ୍ଲା ଅମ୍ବରପେଟ ଅଞ୍ଚଳରେ ଥିବା SWAL corporation ଗୋଦାମରେ ଭୟଙ୍କର ଅଗ୍ନିକାଣ୍ଡ ଘଟିଛି । ଏହି ଆଗ୍ରୋକେମିକାଲ ଇଣ୍ଡଷ୍ଟ୍ରିରେ କୃଷି ଜାତୀୟ ସାର ଆଦିର ଉତ୍ପାଦନ ହୋଇଥାଏ । ଗୋଦାମରେ ନିଆଁ ଲାଗିବାର କାରଣ ସମ୍ପର୍କରେ ସୂଚନା ମିଳିନଥିବା ବେଳେ ପୋଲିସ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛି ।
ତେଲେଙ୍ଗାନା SWAL corporation ଗୋଦାମରେ ଭୟଙ୍କର ଅଗ୍ନିକାଣ୍ଡ, କାରଣ ଅସ୍ପଷ୍ଟ
ହଠାତ ପୂର୍ବାହ୍ନ ସମୟରେ ଏହି ଗୋଦାମରେ ନିଆଁ ଲାଗିଯାଇଥିଲା । ନିଆଁ ଲାଗିବା ପରେ ସେଠାରେ କାର୍ଯ୍ୟ କରୁଥିବା କର୍ମଚାରୀମାନେ ଚିତ୍କାର କରି ବାହାରକୁ ବାହାରି ଆସିଥିଲେ । ହଠାତ ଗୋଦାମ ମଧ୍ୟରୁ ଚିତ୍କାର ଶବ୍ଦ ଶୁଣି ସ୍ଥାନୀୟ ଲୋକମାନେ ଭୟଭୀତ ହୋଇପଡ଼ିଥିବା ମଧ୍ୟ ସୂଚନା ମିଳିଛି । ଅଗ୍ନିକାଣ୍ଡ ସମ୍ପର୍କରେ ସୂଚନା ପାଇବା ମାତ୍ରେ ସଙ୍ଗେ ସଙ୍ଗେ ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଉଦ୍ୟମ ଜାରି ରଖିଛନ୍ତି ।