ଗୌହାଟୀ:ଆସାମ ଡିମା ହାସାଓ ଜିଲ୍ଲାର ଅଘଟଣ । ୫ଟି କୋଇଲା ବୋଝେଇ ଟ୍ରକରେ ନିଆଁ ଲାଗିବା ଫଳରେ ପାଞ୍ଚଜଣ ଡ୍ରାଇଭରଙ୍କର ମୃତ୍ୟୁ ହୋଇଛି । ଏ ଅଘଟଣ ପଛରେ DNLA(Dimasa National Liberation Army) ଆତଙ୍କୀଙ୍କ ହାତ ଥିବା ଅନୁମାନ କରୁଛି ପୋଲିସ ।
ଟ୍ରକରେ ନିଆଁ ଲାଗି ୫ମୃତ୍ୟୁ, ଆତଙ୍କବାଦୀ ଲିଙ୍କ ସନ୍ଦେହ
ଗୁରୁବାର ରାତି ପାଖାପାଖି ୯ଟାରେ DNLAର ସଦସ୍ୟ ରଙ୍ଗେରବେଲି ଅଞ୍ଚଳରେ ଥିବା ୫ଟି କୋଇଲା ବୋଝେଇ ଟ୍ରକରେ ନିଆଁ ଲଗାଇ ଦେଇଥିଲେ । ଫଳରେ ୫ଜଣ ଟ୍ରକ ଡ୍ରାଇଭରଙ୍କର ମୃତ୍ୟୁ ହୋଇଛି । ପ୍ରଥମେ ଗୁଳି ଚଳାଇବା ପରେ ଟ୍ରକରେ ପେଟ୍ରୋଲ ଢାଳିଥିଲେ । ମୃତ ୫ଜଣଙ୍କ ଭିତରୁ ଜଣଙ୍କର ପରିଚୟ ମିଳିଥିବାବେଳେ ଅନ୍ୟ ଚାରିଜଣଙ୍କ ପରିଚୟ ମିଳିନାହିଁ । ଟ୍ରକରେ ଅତିକମରେ ୧୦ଜଣ ଲୋକ ଥିଲେ । ମୃତ୍ୟୁସଂଖ୍ୟା ବଢିପାରେ ବୋଲି କହିଛି ପୋଲିସ ।