ଗାନ୍ଧୀନଗର:ଦିନକୁ ଦିନ ସୀମା ଟପୁଛି ପାଶବିକତା । ମାନବିକତା ହରାଉଛି ମଣିଷ । ଯୁବକଙ୍କ ବିବାହ ସମ୍ପର୍କରେ ଜାଣିଦେବା ପରେ ଗର୍ଲଫ୍ରେଣ୍ଡକୁ ଦୁଷ୍କର୍ମ କରିବା ସହ ଗୁପ୍ତାଙ୍ଗରେ ଲଙ୍କା ଗୁଣ୍ଡ ଭର୍ତ୍ତି କରିଦେଇଥିବା ଜଣାପଡିଛି । ଅଭିଯୋଗ ପରେ ଅଭିଯୁକ୍ତକୁ ଗିରଫ କରି ତଦନ୍ତ ଆରମ୍ଭ କରିଛି ପୋଲିସ । ଗିରଫ ଯୁବକ ହେଲା ଅମ୍ରିତ ଭାଇ ପଟେଲ । ଏଭଳି ଏକ ଲୋମହର୍ଷଣ ଘଟଣା ଘଟିଛି ଗୁଜୁରାଟର ସୁରଟରେ ।
ଖବରଅନୁସାରେ, ସୁରଟର ଅମ୍ରିତ ନାମକ ଯୁବକ ଜଣେ ମହିଳାଙ୍କୁ ବିବାହ କରିବା ପରେ ସୁଖରେ ଚାଲିଥିବା ସଂସାର ଗାଡି । ହେଲେ କୌଣସି କାରଣ ବଶତଃ ସମ୍ପର୍କରେ ଆସିଲା ତିକ୍ତତା । ପରେ ଦୁହେଁ ପରସ୍ପର ଠାରୁ ଅଲଗା ରହିବା ପାଇଁ ନିଷ୍ପତ୍ତି ନେଇଥିଲେ । ଅଲଗା ଅଲଗା ରହିବା ପରେ ଯୁବକ ଅନ୍ୟ ଜଣେ ଯୁବତୀଙ୍କ ସମ୍ପର୍କରେ ଆସିଥିଲେ । ଏହାପରେ ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ଏହାରି ଭିତରେ କିଛି ଦିନ ବିତିବା ପରେ ଉକ୍ତ ଯୁବତୀଜଣଙ୍କ ଯୁବକଙ୍କ ବିବାହ ସମ୍ପର୍କରେ ଜାଣିବାକୁ ପାଇଥିଲେ । ଏହି କଥାକୁ ନେଇ ଦୁହିଁଙ୍କ ମଧ୍ୟରେ ତିକ୍ତତା ହୋଇଥିଲା । ଯୁବତୀଜଣକ ପରସ୍ପର ଠାରୁ ଅଲଗା ହେବା ପାଇଁ ନିଷ୍ପତ୍ତି ନେବା ପରେ ପ୍ରତିଶୋଧ ପରାୟଣ ହୋଇଥିଲା ଅମ୍ରିତ । ପ୍ରେମ ଗୋଟିଏ ମୁହୂର୍ତ୍ତ ପାଇଁ ବଇରି ହୋଇଗଲା ।