ସୁରତ:ଟୋକିଓ ଅଲିମ୍ପିକ୍ସ ମହିଳା ହକିରେ ଆଜି ଭାରତ ଓ ଆର୍ଜେଣ୍ଟିନା ମଧ୍ୟରେ ସେମିଫାଇନାଲ ଟକ୍କର ହେବ । ଏହି ମ୍ୟାଚ ଉପରେ କୋଟି କୋଟି ଭାରତୀୟଙ୍କ ନଜର ରହିଛି । ଏହାରି ଭିତରେ ହୀରା ବ୍ୟବସାୟୀ ସାଭଜୀ ଢୋଲକିଆ ଏକ ବଡ ଘୋଷଣା କରିଛନ୍ତି । ସେ କହିଛନ୍ତି ଯଦି ମହିଳା ହକି ଟିମ ଯଦି ମେଡାଲ ଜିତେ ତେବେ ପ୍ରତି ଖେଳାଳୀଙ୍କୁ ୧୧ ଲକ୍ଷର ଘର କିମ୍ବା ଏକ କାର ଦେବେ ବୋଲି କହିଛନ୍ତି ସାଭଜୀ ଢୋଲକିଆ ।
ଟୋକିଓ ଅଲିମ୍ପିକରେ ମହିଳା ହକି ଟିମ ଭଲ ପ୍ରଦର୍ଶନ କରି ଇତିହାସ ସୃଷ୍ଟି କରିଛି । ଅଲିମ୍ପିକରେ ମହିଳା ହକିରେ ପ୍ରଦର୍ଶନକୁ ନେଇ ପ୍ରଭାବିତ ହୋଇଛନ୍ତି ହୀରା ବ୍ୟବସାୟୀ ସାଭଜୀ ଢୋଲକିଆ । ଫଳସୂରୁପ ସେ ମହିଳା ହକି ଟିମ ପାଇଁ ଏହି ଘୋଷଣା କରିଛନ୍ତି ଯାହାର ସୂଚନା ସେ ସୋସିଆଲ ମିଡିଆରେ ଦେଇଛନ୍ତି । ଟିମର ଯେଉଁ ଖେଳାଳିଙ୍କ ପାଖରେ ଘର ଥିବ ତାଙ୍କୁ ୫ ଲକ୍ଷର ଗାଡି ଦେବେ ଏବଂ ଯାହା ପାଖରେ ଘର ନଥିବା ତାଙ୍କୁ ଘର ପାଇଁ ୧୧ ଲକ୍ଷ ଟଙ୍କା ସହାୟତା ଦେବେ ବୋଲି କହିଛନ୍ତି ସାଭଜୀ ଢୋଲକିଆ ।