ହାଇଦ୍ରାବାଦ: ରାଜନୀତି ମୈଦାନରେ ପୁଣି ଥରେ ଲମ୍ବା ଛକା, ଚୌକା ମାରିବେ ଭାରତୀୟ କ୍ରିକେଟର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି (Sourav Ganguly) । କାରଣ ଗାଙ୍ଗୁଲୀଙ୍କ ଏକ ଟ୍ୱିଟ୍ ସପପେନ୍ସ ଏବଂ ଚର୍ଚ୍ଚାକୁ ବଢାଇଦେଇଛି । ଟ୍ବିଟ କରି ସୌରଭ ଗାଙ୍ଗୁଲି କହିଛନ୍ତି, "ଆଜି ମୋର କ୍ରିକେଟ ଯାତ୍ରାକୁ 30 ବର୍ଷ ପୂରଣ ହୋଇଛି । 1992 ଠାରୁ ଆଜି ପର୍ଯ୍ୟନ୍ତ କ୍ରିକେଟ ମତେ ସବୁ କିଛି ଦେଇଛି । ଏଥିପାଇଁ ମତେ ସମର୍ଥନ କରିଥିବା ସମସ୍ତ ସମର୍ଥକ ଶୁଭେଛୁଙ୍କ ନିକଟରେ ମୁଁ ଋଣୀ । ମୋ କ୍ରିକେଟ ଯାତ୍ରାରେ ସହଯୋଗ କରିଥିବା ପ୍ରତ୍ୟେକ ଲୋକଙ୍କୁ ମୁଁ ଧନ୍ୟବାଦ ଦେଉଛି ବୋଲି କହିଛନ୍ତି ।" ଏପଟେ ଏନେଇ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ସଭାପତି ପଦରୁ ସେ ଇସ୍ତଫା ଦେଇଥିବା ଚର୍ଚ୍ଚା ହେଉଥିବା ବେଳେ ଏହାକୁ ଖଣ୍ଡନ କରିଛନ୍ତି ବିସିସିଆଇ ସଚିବ ଜୟ ଶାହ ।
ଏହାସହ ସୌରଭ ଲେଖିଛନ୍ତି ବର୍ତ୍ତମାନ ନୂଆ କିଛି କରିବାକୁ ଯୋଜାନ କରିଛି । ଲୋକଙ୍କର ବୃହତର ସ୍ବାର୍ଥ ପାଇଁ କାମ କରିବି । ଏଥିପାଇଁ ପୂର୍ବ ପରି ସହଯୋଗ ସମର୍ଥନ ଜାରି ରଖିବେ ବୋଲି ସୌରଭ ଗାଙ୍ଗୁଲି କହିଛନ୍ତି ।