ଦୁଇ ମହଲା କୋଠାରେ ଅଗ୍ନିକାଣ୍ଡ, 7 ଜୀବନ୍ତ ଦଗ୍ଧ

ମଧ୍ୟପ୍ରଦେଶ ଇନ୍ଦୋରରେ ଭୟାବହ ଅଗ୍ନିକାଣ୍ଡ । ଦୁଇ ମହଲା କୋଠାରେ ନିଆଁ ଲାଗିବା ଯୋଗୁଁ 7 ଜଣ ଜୀବନ୍ତ ଦଗ୍ଧ । ଅଧିକ ପଢନ୍ତୁ

ଭୋପାଳ:ମଧ୍ୟପ୍ରଦେଶ ଇନ୍ଦୋରରେ ଭୟାବହ ଅଗ୍ନିକାଣ୍ଡ । ଦୁଇ ମହଲା କୋଠାରେ ନିଆଁ ଲାଗିବା ଯୋଗୁଁ 7 ଜଣ ଜୀବନ୍ତ ଦଗ୍ଧ । ଆଜି(ଶନିବାର) ଭୋର୍ ସମୟରେ ଏହି ବଡ ଅଘଟଣ ଘଟିଛି । ଘର ଭିତରୁ ଆହତ ଅବସ୍ଥାରେ 9 ଜଣଙ୍କୁ ଉଦ୍ଧାର କରାଯାଇଛି । ସର୍ଟ ସର୍କିଟରୁ ଅଗ୍ନିକାଣ୍ଡ ଘଟିଥିବା ନେଇ ଅନୁମାନ କରାଯାଉଥିବା ଅଗ୍ନିଶମ ଅଧିକାରୀ କହିଛନ୍ତି । ଦୀର୍ଘ ତିନି ଘଣ୍ଟା ପରେ ନିଆଁକୁ ଆୟତ୍ତ କରାଯାଇଛି ।

ପ୍ରାପ୍ତ ସୂଚନା ଅନୁଯାୟୀ, ଇନ୍ଦୋର ସ୍ଥିତ ସ୍ବର୍ଣ୍ଣ ବାଗ କଲୋନୀ(Swarn Bagh colony)ରେ ଥିବା ଏକ କୋଠାରେ ଏହି ଅଗ୍ନିକାଣ୍ଡ ଘଟିଛି । ଆଜି ଭୋର ପ୍ରାୟ 4ଟାରୁ 5ଟା ମଧ୍ୟରେ ନିଆଁ ଲାଗିଥିବାର କୁହାଯାଉଛି । ଏନେଇ ପୋଲିସ ତଦନ୍ତ ଆରମ୍ଭ କରିଛି ।