ଲକ୍ଷ୍ନୌ: ପାର୍ବଣରେ ଅଘଟଣ । ଦୁର୍ଗା ମଣ୍ଡପରେ ନିଆଁ ଲାଗିଯିବାରୁ 5 ଜଣ ପ୍ରାଣ ହରାଇବା ସହ ପ୍ରାୟ 60ରୁ ଊର୍ଦ୍ଧ୍ବ ଶ୍ରଦ୍ଧାଳୁ ଆହତ ହୋଇଛନ୍ତି (fire in Druga pandal in up)। ଗତକାଲି (ରବିବାର) ରାତିରେ ଉତ୍ତର ପ୍ରଦେଶ ଭଦୋହୀ ଜିଲ୍ଲା ଅନ୍ତର୍ଗତ ଅରାଇ ପୋଲିସ ଷ୍ଟେସନ ନିକଟ ପୋଖରା ନିକଟରେ ଥିବା ଏକ ଦୁର୍ଗା ମଣ୍ଡପରେ ଏହି ଅଘଟଣ ଘଟିଛି । ମୃତକଙ୍କ ମଧ୍ୟରେ ୨ ଶିଶୁ ଓ ୩ ମହିଳା ଶ୍ରଦ୍ଧାଳୁ ରହିଛନ୍ତି (several dead in Druga pandal cought fire)। ପ୍ରାଥମିକ ତଦନ୍ତରୁ ଏହି ଅଗ୍ନିକାଣ୍ଡ ସର୍ଟ ସର୍କିଟ ଯୋଗୁଁ ହୋଇଥିବା ଅନୁମାନ କରାଯାଉଛି ।
ସ୍ଥାନୀୟ ଜିଲ୍ଲାଧିକାରୀ ଗୌରାଙ୍ଗ ରାଠୀ ସୂଚନା ଦେଇ କହିଛନ୍ତି, ‘‘ଅଘଟଣ ସମୟରେ ପୂଜା ମଣ୍ଡପରେ ପ୍ରାୟ 150 ଲୋକ ଉପସ୍ଥିତ ଥିଲେ । ଅଗ୍ନିକାଣ୍ଡ ଯୋଗୁ ଦଳାଚକଟା ପରିସ୍ଥିତି ସୃଷ୍ଟି ହୋଇଥିଲା । ସେଠାରେ ଉପସ୍ଥିତ ପୋଲିସ ଓ ସ୍ଥାନୀୟ ଲୋକେ ଆହତଙ୍କୁ ତୁରନ୍ତ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରିଛନ୍ତି । ସେମାନଙ୍କ ମଧ୍ୟରେ କିଛି ଗୁରୁତରଙ୍କୁ ବାରଣାସୀ ଟ୍ରୋମା ସେଣ୍ଟରକୁ ରେଫର କରାଯାଇଛି ।’’