ଶିମ୍ଲା: ପ୍ରାକୃତିକ ଦୃଶ୍ୟ ଉପଭୋଗ କରିବାକୁ ଆସି ବୁଡ଼ିଗଲେ ୭ ପର୍ଯ୍ୟଟକ । ହିମାଚଳ ପ୍ରଦେଶର ଉନା ଜିଲ୍ଲାରେ ଏଭଳି ଏକ ଦୁଃଖଦାୟକ ଘଟଣା ଘଟିଛି । ଏହି ପର୍ଯ୍ୟଟକ ପଞ୍ଜାବର ମୋହାଲୀରୁ ବୁଲିବାକୁ ଏଠାକୁ ଆସିଥିଲେ । ସାଗର ନଦୀରେ ଗାଧୋଉଥିବା ବେଳେ ଏମାନେ ବୁଡ଼ି ନିଖୋଜ ହୋଇଯାଇଥିଲେ । ପରେ ଏମାନଙ୍କ ମୃତଦେହ ଉଦ୍ଧାର ହୋଇଛି ।
ପଞ୍ଜାବ ମୋହାଲିରୁ ୧୧ ଜଣ ପର୍ଯ୍ୟଟକ ଉନା ଜିଲ୍ଲାର କୋଲକା ଗାଁ ନିକଟରେ ବାବା ଗରିବନାଥ ମନ୍ଦିର ବୁଲିବାକୁ ଆସିଥିଲେ । ଏହାପରେ ପର୍ଯ୍ୟଟକମାନେ ପାଖରେ ଥିବା ସାଗର ନଦୀକୁ ଗାଧୋଇବାକୁ ଯାଇଥିଲେ । ସେହି ସମୟରରେ ୭ ଜଣ ପର୍ଯ୍ୟଟକ ନଦୀରେ ବୁଡ଼ି ଯାଇଥିଲେ । ବାହାରେ ଥିବା ୪ଜଣ ସାଥୀ ସାହାଯ୍ୟ ପାଇଁ ପାଟି କରିବା ପରେ ସ୍ଥାନୀୟ ଲୋକେ ଉଦ୍ଧାର କରିବାକୁ ପହଞ୍ଚିଥିଲେ ।