ଆଉ ନାହାଁନ୍ତି କଂଗ୍ରେସର ବରିଷ୍ଠ ନେତା ଜିଏସ ବାଲି

କଂଗ୍ରେସର ବରିଷ୍ଠ ନେତା ଜିଏସ ବାଲିଙ୍କ ଦେହାନ୍ତ । ଶନିବାର ଦିଲ୍ଲୀ ଏମସରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ 67 ବୟସ ହୋଇଥିଲା । ଅଧିକ ପଢନ୍ତୁ...

ନୂଆଦିଲ୍ଲୀ:କଂଗ୍ରେସର ବରିଷ୍ଠ ନେତା ଜିଏସ ବାଲିଙ୍କ ଦେହାନ୍ତ । ଶନିବାର ଦିଲ୍ଲୀ ଏମସରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ 67 ବୟସ ହୋଇଥିଲା । ସେ ଦୀର୍ଘ ଦିନ ଧରି ଅସୁସ୍ଥ ରହିଥିଲେ । ଜିଏସ ବାଲିଙ୍କ ମୃତ୍ୟୁ ଖବର ତାଙ୍କ ପୁଅ ରଘୁବୀର ସିଂ ବାଲି ଟୁଇଟ ଯୋଗେ ଦେଇଛନ୍ତି । ସେ ଟୁଇଟରେ ଉଲ୍ଲେଖ କରିଛନ୍ତି ଯେ, ମୋର ପିତା ତଥା ଆପଣଙ୍କ ପ୍ରିୟ ନେତା ଜିଏସ ବାଲି ଜୀ ଆମ ସହିତ ଆଉ ନାହାଁନ୍ତି ।

ଗତକାଲି (ଶୁକ୍ରବାର) ରାତିରେ ସେ ଦିଲ୍ଲୀ ଏମସରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ମୋ ବାପା ହୁଏତ ନଥାଇ ପାରନ୍ତି। ଏହି ଦୁନିଆ କିନ୍ତୁ ତାଙ୍କର ଆଦର୍ଶ ଏବଂ ମାର୍ଗଦର୍ଶନ ସବୁଦିନ ପାଇଁ ମନେରଖିବ । ସେ ଆମ ହୃହୟରେ ଚିର ଦିନ ପାଇଁ ରହିବେ ବୋଲି ସେ ଉଲ୍ଲେଖ କରିଛନ୍ତି । କଂଗ୍ରେସର ବରିଷ୍ଠ ନେତା ଜିଏସ ବାଲି ଜଣେ ଆଦର୍ଶ ନେତା ଥିଲେ । ବାଲି 1954ରେ ହିମାଚଳ ପ୍ରଦେଶର କାଙ୍ଗ୍ରା ଠାରେ ଜନ୍ମଗ୍ରହଣ କରିଥିଲେ । ତାଙ୍କ ଦେହାନ୍ତରେ ବହୁ ମାନ୍ୟଗନ୍ୟ ବ୍ୟକ୍ତି ବିଶେଷ ଶୋକ ବ୍ୟକ୍ତ କରିବା ସହ ଆମର ଆତ୍ମାର ସଦଗତି ପାଇଁ ପ୍ରାର୍ଥନା କରିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ