ନୂଆଦିଲ୍ଲୀ: ଦିଲ୍ଲୀର ବାହାର କାଞ୍ଜୱାଲା ଅଞ୍ଚଳରୁ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି । ଡିସେମ୍ବର ୩୧ ଏବଂ ଜାନୁୟାରୀ ୧ ତାରିଖ ରାତିରେ ପାଞ୍ଚ ପୁଅ ଏକ ସ୍କୁଟିରେ ଯାଉଥିବା ଯୁବତୀଙ୍କୁ ଟାଣି ନେଇ 4 କିଲୋମିଟର ନେଇଗଲେ (Scooty riding girl dragged for 4 km after Accident) । ଏଥିରେ ଯୁବତୀଙ୍କ ମୃତ୍ୟୁ ଘଟିଛି ଏବଂ ମୃତଦେହକୁ ପୋଲିସ ଉଲଗ୍ନ ଅବସ୍ଥାରେ ଉଦ୍ଧାର କରିଛି । ତେବେ ପୋଲିସ କହିଛି ଯେ ମହିଳାଙ୍କ ମୃତଦେହ ଉଲଗ୍ନ ହୋଇଥିବାରୁ ଏହି ମାମଲା ଏକ ଦୁର୍ଘଟଣାର କାରଣ, ତେଣୁ ପୋଲିସ ବିଭିନ୍ନ ଦିଗରୁ ଘଟଣାର ତଦନ୍ତ କରୁଛି ।
ମିଳିଥିବା ସୂଚନା ଅନୁସାରେ ସ୍କୁଟିରେ ଯାଉଥିବା ଯୁବତୀଙ୍କ ସହିତ କାରର ଧକ୍କା ହୋଇଥିଲା । ଏହାପରେ ଯୁବତୀ ଜଣକ କାରର ଚକରେ ଫସିଯାଇଥିବା ବେଳେ କାରଟି ତାଙ୍କୁ ପ୍ରାୟ ୪କିମି ପର୍ଯ୍ୟନ୍ତ ଘୋଷାଡ଼ି ନେଇଥିଲା । ଏଥିରେ ଯୁବତୀ ଜଣକ ପିନ୍ଧିଥିବା କପଡ଼ା ଚିରି ହୋଇଯାଇଥିବା ବେଳେ ସେ ଉଲଗ୍ନ ହୋଇପଡ଼ିଥିଲେ । ଏହାସହିତ ତାଙ୍କର ମୃତ୍ୟୁ ଘଟିଥିବା ବେଳେ ପୋଲିସ ଯୁବତୀଙ୍କ ନଗ୍ନ ମୃତଦେହକୁ ଉଦ୍ଧାର କରିଛି । ଘଟଣା ସମ୍ପର୍କରେ ପୋଲିସକୁ ରାତି ୩.୨୪ରେ କେହି ଯୋଗାଯୋଗ କରିଥିଲେ । ଏହାପରେ ପୋଲିସ ଘଟଣା ସ୍ଥଳରେ ପହଞ୍ଚିଥିଲା । ଏହାପରେ ଆଉ ଗୋଟିଏ ନମ୍ବରରୁ ୪.୨୩ରେ ପୋଲିସକୁ ଫୋନ ଆସିଥିଲା । ଏକ ମୃତଦେହ ମିଳିଥିବା ନେଇ ପୋଲିସ ଜାଣିବା ପରେ ଯୁବତୀଙ୍କ ମୃତଦେହ ଉଦ୍ଧାର ହୋଇଥିଲା ।