ମୁମ୍ବାଇ : ମହାରାଷ୍ଟ୍ରରେ କରୋନା ସଂକ୍ରମଣ ପୁଣି ଥରେ ଶିଖରରେ ପହଞ୍ଚିଛି । ପରିସ୍ଥିତି ଏତେ ଖରାପ ହୋଇଛି ଯେ, ସରକାରଙ୍କୁ ଅନେକ କଠୋର ନିଷ୍ପତ୍ତି ଆପଣାଇବାକୁ ପଡିଛି । କରୋନା ଭୂତାଣୁ ବୃଦ୍ଧି ହେତୁ ମହାରାଷ୍ଟ୍ର ପୁନେରେ ନାଇଟ୍ କର୍ଫ୍ୟୁ ମାର୍ଚ୍ଚ 14 ପର୍ଯ୍ୟନ୍ତ ବୃଦ୍ଧି କରାଯାଇଛି । ଏଥିସହ ବିଦ୍ୟାଳୟ, କଲେଜ, ଘରୋଇ କୋଚିଂ ସେଣ୍ଟର ମାର୍ଚ୍ଚ 14 ପର୍ଯ୍ୟନ୍ତ ବନ୍ଦ କରାଯାଇଛି ।
କରୋନା ମାମଲା ବଢିବା ପରେ ଫେବୃଆରୀ 21ରେ 28 ଫେବୃଆରୀ ପର୍ଯ୍ୟନ୍ତ ପୁନେରେ ନାଇଟ୍ କର୍ଫ୍ୟୁ ଏବଂ ଅନ୍ୟାନ୍ୟ ପ୍ରତିବନ୍ଧକ ଲାଗୁ କରାଯାଇଥିଲା । ଯାହା ବର୍ତ୍ତମାନ ମାର୍ଚ୍ଚ 14କୁ ବୃଦ୍ଧି କରାଯାଇଛି । ପୁନେ ମେୟର ମୁରଲୀଧର ମୋହଲ ରବିବାର ଏହି ସୂଚନା ଦେଇଛନ୍ତି । ସେ କହିଛନ୍ତି ଯେ, କେବଳ ଅତ୍ୟାବଶ୍ୟକ ସେବାରେ ନିୟୋଜିତ ଥିବା ଯାନ ଗୁଡିକ ରାତି 11 ଟାରୁ ସକାଳ 6 ଟା ପର୍ଯ୍ୟନ୍ତ ଯିବାକୁ ଅନୁମତି ଦିଆଯାଇଛି । ସହରର ରେଷ୍ଟୁରାଣ୍ଟ ଗୁଡିକୁ ମଧ୍ୟ ରାତି 11 ଟାରେ ବନ୍ଦ କରାଯିବ । ପୂର୍ବରୁ ରେଷ୍ଟୁରାଣ୍ଟ ଗୁଡିକ ରାତି 1ଟା ପର୍ଯ୍ୟନ୍ତ ଖୋଲା ଯାଉଥିଲା । ଏଥିସହ ବିବାହରେ 50 ରୁ ଅଧିକ ଲୋକ ଆସିଲେ ଜରିମାନା ଲାଗୁ କରାଯିବ ।