ରାଇସେନ: ରଙ୍ଗର ପର୍ବ ହୋଲି । ମନରେ ଯାହା ରାଗ ଅଭିମାନ ଥାଉନା କାହିଁକି ଆଜିଭଳି ଦିନରେ ସବୁ ରାଗ ହିଂସା ଭୁଲି ହୋଲି ପର୍ବରେ ନିଜକୁ ସମସ୍ତେ ରଙ୍ଗେଇ ଦିଅନ୍ତି । ଭାରତୀୟ ସଂସ୍କୃତି ଓ ପରମ୍ପରା ଅନୁଯାୟୀ, ସାରା ଦେଶରେ ହୋଲି ବହୁ ଧୁମଧାମରେ ପାଳନ ହେଉଥିବାବେଳେ ମଧ୍ୟପ୍ରଦେଶର ରାଇସେନର ସିଲଭାନି ମହୱାନରେ କିଛି ଭିନ୍ନ ଢଙ୍ଗରେ ପାଳିତ ହୋଇଛି ହୋଲି ଉତ୍ସବ ।
ଏହି ଅବସରରେ କିଏ କେଉଁଠି ଫୁଲରେ ହୋଲି ଖେଳି ପାଳୁଥିବାବେଳେ ରାଇସେରେ କିନ୍ତୁ ଜଳନ୍ତା କୋଇଲା ସହିତ ଖେଳାଯାଏ ରଙ୍ଗର ପର୍ବ । କଥାଟା ଟିକେ ବିଶ୍ବାସ କରିବା କଷ୍ଟସାଧ୍ୟ ହୋଇପାରେ । ଏଠାରେ ଲୋକମାନେ ନିଜକୁ ବିପଦରେ ପକାଇ କୋଇଲା ଉପରେ ଚାଲନ୍ତି । କିନ୍ତୁ ଏପରି କିଛି ଭିନ୍ନ ଢଙ୍ଗରେ ପ୍ରତିବର୍ଷ ରାଇସେନର ସିଲଭାନି ମହୱାନରେ ପାଳନ କରାଯାଇଛି ନିଆରା ହୋଲି ।