ନୂଆଦିଲ୍ଲୀ: ଆପ୍ ଛାଡିଲେ ପଞ୍ଜାବ ଭଟିଣ୍ଡା ଗ୍ରାମୀଣ ବିଧାୟିକା ରୂପିନ୍ଦର କୌର ରୁବି । ସେ ଆମ୍ ଆଦମି ପାର୍ଟି(AAP) ରୁ ଇସ୍ତଫା ଦେଉଥିବା ନେଇ ଟ୍ବିଟ କରି ସୂଚନା ଦେଇଛନ୍ତି । ତେବେ ଆପରୁ ଇସ୍ତଫା ଦେବା ପରେ ରୁବି ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନିଙ୍କୁ ଭେଟିଥିବା ଜଣାପଡିଛି ।
ରୁବି ଏବଂ ଚନ୍ନିଙ୍କ ମଧ୍ୟରେ ସାକ୍ଷାତ ପରେ ସେ କଂଗ୍ରେସରେ ଯୋଗ ଦେଇପାରନ୍ତି ବୋଲି ଚର୍ଚ୍ଚା ହେଉଛି । ମଙ୍ଗଳବାର ରାତିରେ ଏକ ଟୁଇଟ୍ କରି ରୁବି ତାଙ୍କ ଇସ୍ତଫା ପତ୍ରକୁ AAP ଜାତୀୟ ସଂଯୋଜକ ଅରବିନ୍ଦ କେଜ୍ରିୱାଲ ଏବଂ ପଞ୍ଜାବ ଆପ୍ ମୁଖ୍ୟ ଭାଗବତ ମନ୍ନଙ୍କୁ ଇସ୍ତଫା ଦେଇଛନ୍ତି । ଟ୍ବିଟ କରି ରୁବି କହିଛନ୍ତି ଯେ, ‘ମୁଁ ଆମ୍ ଆଦମୀ ପାର୍ଟିର ସଦସ୍ୟତାରୁ ତୁରନ୍ତ ଇସ୍ତଫା ଦେଉଛି । ଦୟାକରି ମୋର ଇସ୍ତଫା ଗ୍ରହଣ କରନ୍ତୁ ’ ।
ଗତ ମାସରେ ରୁବି ଦଳର ମୁଖ୍ୟମନ୍ତ୍ରୀ ଚେହେରା ପାଇଁ ମନ୍ନଙ୍କୁ ସମର୍ଥନ କରିଥିଲେ ଏବଂ ଘୋଷଣା କରିବାରେ ବିଳମ୍ବ ହେତୁ ନେତୃତ୍ୱଙ୍କୁ କାଟି ଦିଆଯିବ ବୋଲି କୁହାଯାଇଥିଲା । ଯଦିଓ ସେ ଆସନ୍ତା ବର୍ଷ ଆରମ୍ଭରେ ବିଧାନସଭା ନିର୍ବାଚନ ପୂର୍ବରୁ ଦଳ ଛାଡିବାକୁ ନିଷ୍ପତ୍ତି ନେଇଥିବାର କୌଣସି କାରଣ ଦର୍ଶାଇ ନାହାଁନ୍ତି, ତଥାପି AAP ବିଧାନସଭା ଦଳର ନେତା ହରପାଲ ସିଂ ଚେମା କହିଛନ୍ତି ଯେ, ରୁବିଙ୍କୁ ଏଥର AAP ଟିକେଟ୍ ଦେଇନଥାନ୍ତା । ତେଣୁ ସେ କଂଗ୍ରେସରେ ଯୋଗ ଦେଇପାରନ୍ତି ।
ଚେମା କହିଛନ୍ତି ଯେ, ରୂପିନ୍ଦର ରୁବି ଆମର ସାନ ଭଉଣୀ, ସେ ଯେଉଁଆଡେ ଯାଆନ୍ତୁ ଖୁସି ରୁହନ୍ତୁ । ଏଥର ତାଙ୍କୁ AAP ରୁ ଟିକେଟ ମିଳିବାର କୌଣସି ସୁଯୋଗ ନଥିଲା ତେଣୁ ସେ କଂଗ୍ରେସରେ ଯୋଗ ଦେଉଛନ୍ତି ।' ରୁବିଙ୍କୁ ପ୍ରତାରଣା ନକରିବାକୁ କଂଗ୍ରେସକୁ ଅନୁରୋଧ କରୁଛୁ ଏବଂ ତାଙ୍କୁ ବଠିଣ୍ଡା ଗ୍ରାମୀଣରୁ ଟିକେଟ୍ ଦେବା ଉଚିତ୍ ବୋଲି ଚେମା ଟ୍ୱିଟ୍ କରି କହିଛନ୍ତି ।
ତେବେ ରୁବି ଆପର ସର୍ବକନିଷ୍ଠ ବିଧାୟିକା ଥିଲେ । ପ୍ରଥମ ଥର ପାଇଁ ବିଧାୟିକ ହୋଇଥିବା ରୁବି, ୨୯ ବର୍ଷ ବୟସରେ ୨୦୧୭ରେ ବିଧାନସଭାକୁ ନିର୍ବାଚିତ ହୋଇଥିଲେ । ଆଇନରେ ସ୍ନାତକ ଏବଂ ମାଷ୍ଟର ଡିଗ୍ରୀ ହାସଲ କରି ସେ ୨୦୧୩ରେ AAP ରେ ଯୋଗଦେବା ପୂର୍ବରୁ ସହକାରୀ ପ୍ରଫେସର ଭାବରେ ଆଇନ ଶିକ୍ଷା ଦେଉଥିଲେ । ସେ ୨୦୧୭ ନିର୍ବାଚନରେ ଭଟିଣ୍ଡା ଗ୍ରାମୀଣରୁ SAD ପ୍ରାର୍ଥୀଙ୍କୁ ୧୦,୦୦୦ରୁ ଅଧିକ ଭୋଟରେ ପରାସ୍ତ କରି ବିଧାୟିକା ହୋଇଥିଲେ ।
