ଚଣ୍ଡିଗଡ:ପଞ୍ଜାବରେ ବିଧାନସଭା ନିର୍ବାଚନକୁ ନେଇ ସରଗରମ ପ୍ରଚାର ମଇଦାନ । ଭୋଟ ହାତେଇବା ପାଇଁ ପ୍ରଚାର ଆରମ୍ଭ କରିଦେଲେଣି ଦଳ । ତେବେ ପ୍ରଚାରକୁ ଆହୁରି ଜୋରଦାର କରିବା ପାଇଁ ବିଜେପି ପକ୍ଷରୁ ଏକ ଗୀତ ରିଲିଜ କରାଯାଇଛି । ବିଜେପି ସାଂସଦ ମନୋଜ ତିଓ୍ବାରି ବିଜେପିର ଏହି ନିର୍ବାଚନୀ ପ୍ରଚାର ଗୀତରେ କଣ୍ଠ ଦାନ କରିଛନ୍ତି । ଏନେଇ ପଞ୍ଚାବ ବିଜେପି ପକ୍ଷରୁ ଟ୍ବିଟରେ ଏକ ଭିଡିଓ ମଧ୍ୟ ଜାରି କରାଯାଇଛି ।
ଯେଉଁଥିରେ ପଞ୍ଜାବର ସଂସ୍କୃତି ଓ ପରମ୍ପରାକୁ ଦର୍ଶାଯାଇଛି । ଏଥି ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ମଧ୍ୟ ଭିଡିଓରେ ମଧ୍ୟ ଦର୍ଶାଯାଇଛି । ଏହାପୂର୍ବରୁ କିଛିଦିନ ତଳେ ୟୁପି ନିର୍ବାଚନୀ ପାଇଁ ମଧ୍ୟ ଏକ ଗୀତ ରିଲିଜ କରାଯାଇଥିଲା ।